«دامۋ» قورىنىڭ اقتوبە وبلىسىنداعى ايماقتىق فيليالىندا «دامۋ-كومەك» باعدارلاماسى بويىنشا مۇمكىندىگى شەكتەۋلى جاندارعا كومەك كورسەتۋ جالعاسىن تابۋدا. بۇل جولى قور ەكىنشى توپتاعى مۇگەدەك كاسىپكەر عاني سىرلىباەۆقا كىلت جاساۋعا ارنالعان قۇرال-جابدىقتى سىيعا تارتتى. وتىز التى جاسار عاني 2001 جىلى جول اپاتى سالدارىنان مۇگەدەك بولىپ قالعان-دى. الايدا, تاعدىر ارتقان قيىندىققا مويىماعان ول ىلگەرى كۇنگە ۇمىتپەن قاراپ, ءومىر ءسۇرىپ كەلەدى. قايسار جىگىت قول-اياعى بالعاداي جاستاردىڭ ءوزى اتقارا المايتىن شارۋالاردى دوڭگەلەتىپ ءجۇر.
«دامۋ» قورىنىڭ اقتوبە وبلىسىنداعى ايماقتىق فيليالىندا «دامۋ-كومەك» باعدارلاماسى بويىنشا مۇمكىندىگى شەكتەۋلى جاندارعا كومەك كورسەتۋ جالعاسىن تابۋدا. بۇل جولى قور ەكىنشى توپتاعى مۇگەدەك كاسىپكەر عاني سىرلىباەۆقا كىلت جاساۋعا ارنالعان قۇرال-جابدىقتى سىيعا تارتتى. وتىز التى جاسار عاني 2001 جىلى جول اپاتى سالدارىنان مۇگەدەك بولىپ قالعان-دى. الايدا, تاعدىر ارتقان قيىندىققا مويىماعان ول ىلگەرى كۇنگە ۇمىتپەن قاراپ, ءومىر ءسۇرىپ كەلەدى. قايسار جىگىت قول-اياعى بالعاداي جاستاردىڭ ءوزى اتقارا المايتىن شارۋالاردى دوڭگەلەتىپ ءجۇر.
– ءوزىمنىڭ ماماندىعىم – ۇستا, بىراق اپاتتان كەيىن جۇمىسسىز قالدىم. ۇيدە بوس وتىرعىم كەلمەدى, سوندىقتان اياق كيىم جوندەيتىن شەبەرحانا اشۋدى ۇيعاردىم, بۇل ءىستە اجەپتاۋىر تاجىريبەم دە بار ەدى. زەينەتاقىمنان اقشا جيناپ, ءدۇڭ-گىرشەك پەن قۇرال-سايمان ساتىپ الىپ, ءىسىمدى باستادىم, – دەيدى عاني.
عانيدىڭ اياق كيىم جوندەۋمەن اينالىسقانىنا ءۇش جىل بولدى. ءوزىنىڭ تۇراقتى تۇتىنۋشىلارى دا بار, جوندەۋدەن باسقا اياق كيىم تىگۋمەن دە اينالىسادى. عاني رەسەيدە ارنايى مەكتەپتە اياق كيىم ءوندىرۋ ءىسىن وقۋدى ارماندايدى. كەيدە اياق كيىم جوندەۋدەن باسقا كىلت جاساۋعا تاپسىرىستار دا تۇسەدى ەكەن.
«دامۋ-كومەك» مۇگەدەك كاسىپكەرلەرگە قولداۋ كورسەتۋ باعدارلاماسى تۋرالى مەن گازەتتەردەن وقىدىم. ءوزىمنىڭ كىلت جاسايتىن قۇرال-جابدىقتار ساتىپ الۋعا قاراجاتىم جەتپەگەندىكتەن كومەك سۇراۋدى ۇيعاردىم. وسىنداي جاقسى ادامدار تابىلعانىنا ىرزامىن», دەيدى ول.
عاني سىرلىباەۆقا دەمەۋشىلىك كومەكتى «حالال» جشس ديرەكتورى اسحات سيسەن كورسەتتى. بۇل كاسىپورىن «بيزنەستىڭ جول كارتاسى-2020» باعدارلاماسى بويىنشا تاكسي قىزمەتىن كورسەتۋ ءۇشىن كولىك ساتىپ الۋعا جەڭىلدىكپەن نەسيە العان بولاتىن.
– ءبىز مەملەكەت تاراپىنان مىقتى قولداۋ كوردىك, ەندى ءوزىمىز مۇمكىندىگى شەكتەۋلى كاسىپكەرگە كومەك بەرۋدى ۇيعاردىق. ءبىزدىڭ كاسىپورىن جاڭا عانا دامىپ كەلە جاتىر, وكىنىشكە قاراي, مۇقتاج ادامداردىڭ بارلىعىنا بىردەي كومەكتەسۋ ازىرگە قولىمىزدان كەلمەي تۇر, – دەيدى اسحات سيسەن.
بۇنى ناعىز كاسىپكەرلىكتىڭ الەۋمەتتىك جاۋاپكەرشىلىگىن ءتۇسىنۋدىڭ ۇلگىسى دەسە دە بولعانداي. وسىنداي يماندىلىق قادامدارى ارقىلى مۇمكىندىگى شەكتەۋلى جاندار وزدەرىن قوعامنىڭ تولىققاندى مۇشەسى رەتىندە سەزىنەدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
