توتەننەن كەلگەن سۋدىڭ استىندا قالىپ, ابىگەرگە تۇسكەن ماقتاارال اۋدانىنا شىعىس قازاقستاننان گۋمانيتارلىق كومەك جەتتى. وبلىس اكىمى دانيال احمەتوۆتىڭ باستاماسىمەن قولعا الىنعان قايىرىمدىلىق شاراسىن بەلگىلى مەتسەنات, كاتونقاراعاي اۋدانى, ارشاتى اۋىلىنىڭ تۋماسى عاني شايماردانوۆ قولداپ, كومەك قولىن سوزىپتى.
شىعىستان ارتىنىپ-تارتىنىپ اتتانعان كەرۋەندى شىمكەنت قالاسىندا تۇركىستان وبلىسى جانە شىمكەنت قالاسىنىڭ قۇرمەتتى ازاماتتارىمەن قاتار قازاقستاننىڭ قۇرمەتتى قۇرىلىسشىسى ابدىعاني تاشقاراەۆ پەن ەلباسىنىڭ كۋرستاسى, كسرو مەملەكەتتىك سىيلىعىنىڭ يەگەرى ءامانالى ءابدىرامانوۆ قارسى الىپتى.
«20 توننا ازىق-ت ۇلىك (5 توننا قاراقۇمىق, 5 توننا كۇنباعىس مايى, 10 توننا ۇن) جەتكىزىلدى. كاسىپكەر سوتسياليستىك ەڭبەك ەرى نۇرمۇحامەد ەسەنتاەۆتىڭ وتباسىنا 500 مىڭ تەڭگە قارجىلاي قولداۋ كورسەتتى.
قايىرىمدىلىق شاراسىنا «Nur Otan» پارتياسىنىڭ وبلىستىق فيليالى, قازاقستان حالقى اسسامبلەياسى شىعىس قازاقستان وبلىستىق حاتشىلىعى وكىلدەرى, «حاليفا التاي» مەشىتىنىڭ باس يمامى ەرمەك قاجى مۇقاتاي, وزگە دە وبلىس تۇرعىندارى بەلسەنە اتسالىستى» دەيدى قازاقستان حالقى اسسامبلەياسى شىعىس قازاقستان وبلىستىق حاتشىلىعىنىڭ مەڭگەرۋشىسى جاننا اسقارقىزى.
شىعىس قازاقستان وبلىسى
