بۇعان دەيىن حابارلانعانىنداي, قورعانىس ءمينيسترى ادىلبەك جاقسىبەكوۆ باستاعان قازاقستاندىق اسكەري دەلەگاتسيا تۇركيا رەسپۋبليكاسىندا ءجۇر. قازاقستان قورعانىس ۆەدومستۆوسى باسشىسىنىڭ تۇركياعا رەسمي ساپارى 23-27 قىركۇيەك ارالىعىنا جوسپارلانعان.
بۇعان دەيىن حابارلانعانىنداي, قورعانىس ءمينيسترى ادىلبەك جاقسىبەكوۆ باستاعان قازاقستاندىق اسكەري دەلەگاتسيا تۇركيا رەسپۋبليكاسىندا ءجۇر. قازاقستان قورعانىس ۆەدومستۆوسى باسشىسىنىڭ تۇركياعا رەسمي ساپارى 23-27 قىركۇيەك ارالىعىنا جوسپارلانعان.
قورعانىس ءمينيسترى اپتا باسىندا انكارادا تۇركيا جوعارى اسكەري باسشىلىعىمەن بىرقاتار كەلىسسوزدەر وتكىزىپ, قورعانىس-ونەركاسىبى كەشەنىنىڭ تۇرىك تاراپىمەن بىرلەسكەن جوبالارىنىڭ ىسكە اسىرىلۋ بارىسىمەن تانىستى. سونداي-اق, تۇركيا قارۋلى كۇشتەرىنىڭ قورعانىس تاپسىرىسىن ورىندايتىن بىرقاتار ءىرى اسكەري زاۋىتتاردا بولدى. انكارا تۇبىندە ورنالاسقان بىتىمگەرشىلىك بريگاداسىنا باردى.
ىستامبۇلدا اسكەري ءبىلىم سالاسىنداعى ىنتىماقتاستىقتى ودان ءارى دامىتۋ ماسەلەلەرىن قازاقستان قورعانىس ءمينيسترىنىڭ ورىنباسارى, گەنەرال-مايور باعدات مايكەەۆ تۇركيا قارۋلى كۇشتەرى باس شتابى بىرىككەن اسكەري اكادەمياسى باسشىلىعىمەن تالقىلادى. وسى اكادەميادا اسكەري اكادەميالىق ءبىلىمى بار مايور, پولكوۆنيك اسكەري اتاعىنداعى وفيتسەرلەر ءبىلىم الادى. بىرىككەن اسكەري اكادەميانىڭ قۇرىلىمىنا قۇرلىق اسكەرلەرى, اسكەري-اۋە كۇشتەرى جانە اسكەري-تەڭىز كۇشتەرىنىڭ اسكەري اكادەميالارى كىرەدى. وسى اكادەميالاردىڭ بارلىعى ىستامبۇل قالاسىنىڭ ءبىر اۋماعىندا ورنالاسقان.
باعدات مايكەەۆ اكادەميانى بىتىرگەن قازاقستاندىق اسكەري قىزمەتشىلەردىڭ دايارلىق دەڭگەيىنە كوڭىلى تولاتىنىن جەتكىزىپ, ولاردىڭ ءىس جۇزىندە ناقتى ناتيجەلەر كورسەتۋمەن قىزمەت بابىندا كوتەرىلىپ كەلە جاتقانىن اتاپ ءوتتى.
– قازاقستان قورعانىس ءمينيسترى ەلباسى – قارۋلى كۇشتەردىڭ جوعارعى باس قولباسشىسىنىڭ تاپسىرماسىن ورىنداي وتىرىپ, اسكەري ءبىلىمدى قورعانىس ۆەدومستۆوسىنىڭ باسىم باعىتتارىنىڭ ءبىرى رەتىندە بەلگىلەپ بەردى. بۇگىنگى تاڭدا قازاقستاندىق اسكەري قىزمەتشىلەرگە الەمنىڭ ەڭ بەدەلدى اسكەري جوعارى وقۋ ورىندارىندا ءبىلىم الۋ ءۇشىن بارلىق قاجەتتى جاعدايلار جاسالعان. قازاقستاندىق وفيتسەرلەردىڭ وسى جەردە تۇرىك وفيتسەرلەرىمەن ءبىر باعدارلاما بويىنشا وقىپ جاتقانى كوڭىل قۋانتادى, – دەپ اتاپ ءوتتى گەنەرال-مايور ب.مايكەەۆ.
اكادەميا باسشىلىعى قازاقستاندىق تاراپپەن ىنتىماقتاستىقتى ءارى قاراي نىعايتۋعا جانە دامىتۋعا ءازىر ەكەندىكتەرىن ءبىلدىردى. قازىرگى ۋاقىتتا تۇركيا قۇرلىق اسكەرلەرىنىڭ اسكەري اكادەمياسىندا قازاقستاندىق اسكەري قىزمەتشىلەر ءبىلىم الۋدا.
«ەگەمەن-اقپارات».
