الماتى قالاسىنداعى «نۇر وتان» حالىقتىق- دەموكراتيالىق پارتياسىنىڭ عيماراتىندا «قازاقستان جۋرناليستيكاسىنىڭ كوكەيكەستى ماسەلەلەرى» تاقىرىبىندا رەسپۋبليكالىق سەمينار-ترەنينگ ءوتتى.
الماتى قالاسىنداعى «نۇر وتان» حالىقتىق- دەموكراتيالىق پارتياسىنىڭ عيماراتىندا «قازاقستان جۋرناليستيكاسىنىڭ كوكەيكەستى ماسەلەلەرى» تاقىرىبىندا رەسپۋبليكالىق سەمينار-ترەنينگ ءوتتى.
قازاقستاننىڭ ءار ايماعىنان كەلگەن ءتۇرلى باق وكىلدەرى مەن الماتى قالاسىندا ورنالاسقان تەلەارنالار مەن باسىلىمداردىڭ باسشىلىعى قاتىسقان سەميناردى «باس رەداكتورلار كلۋبى» قوعامدىق بىرلەستىگىنىڭ پرەزيدەنتى كەنجەبولات جولدىباي جۇرگىزىپ وتىردى.
سەميناردا بۇگىنگى تاڭداعى وتاندىق جۋرناليستيكانىڭ جاي-كۇيى مەن كوكەيكەستى ماسەلەلەرى, باق پەن بيلىكتىڭ ءوزارا قاتىناسى مەن جۋرناليستەردىڭ قوعامداعى ءرولى ءسوز بولدى.
شارا بارىسىندا رەسپۋبليكالىق «ليتەر» گازەتىنىڭ باس رەداكتورى جانە «باس رەداكتورلار كلۋبى» قوعامدىق بىرلەستىگىنىڭ ۆيتسە-پرەزيدەنتى قايسار جاناحانوۆ «قازاقستان جۋرناليستەر ەتيكاسى كودەكسىنىڭ تاجىريبەلىك قولدانىسى» دەگەن تاقىرىپتا مازمۇندى بايانداما جاسادى.
سەمينار سوڭىندا ەلىمىزگە تانىمال بىرقاتار جۋرناليستەر, اتاپ ايتقاندا, كەيىنگى جىلدار كولەمىندە قازاقستاننىڭ ىشكى-سىرتقى ساياسي قاتىناستارى مەن ەكونوميكالىق جەتىستىكتەرى تۋرالى ساراپتامالىق تۇششىمدى دۇنيەلەرىمەن كورىنىپ جۇرگەن بۇقارالىق اقپارات قۇرالدارىنىڭ باسشىلارى «باس رەداكتورلار كلۋبى» قوعامدىق بىرلەستىگىنىڭ ارنايى ماقتاۋ قاعازدارىمەن ماراپاتتالدى جانە اتالمىش كلۋب اتىنان ارەكەت ەتۋ قۇقىعىنا يە ارنايى قۇجاتتار تاپسىرىلدى.
قانات ەسكەندىر,
«ەگەمەن قازاقستان».
الماتى.
