اقش استاناسى ۆاشينگتوندا وڭتۇستىك افريكا رەسپۋبليكاسىنىڭ تۇڭعىش قارا ءناسىلدى پرەزيدەنتى, ادام قۇقىعىن قورعاۋ ءۇشىن ايانباي كۇرەسكەن نەلسون ماندەلانىڭ قۇرمەتىنە مونۋمەنت تۇرعىزىلدى. بۇل تۋرالى «كازاحستانسكايا پراۆدا» گازەتى جازدى.
وڭتۇستىك افريكا رەسپۋبليكاسى ەلشىلىگىندە وتكەن سالتاناتتى راسىمگە نەلسون ماندەلانىڭ قىزى قاتىستى. مۇندا تۇرعىزىلعان ءۇش مەترلىك تۋىندى وار-دىڭ كەيپتاۋن قالاسىنداعى تۇرمە ماڭىندا ورناتىلعان مونۋمەنتتىڭ كوشىرمەسى بولىپ تابىلادى. ەسكەرتكىشتىڭ كەيپتاۋن قالاسىنداعى تۇرمە ماڭىنا ورناتىلۋى تەكتەن-تەك ەمەس. سەبەبى, نەلسون ماندەلا ءناسىلدى كەمسىتۋشىلىك ساياساتىن جويۋعا ارەكەت ەتكەنى ءۇشىن ءدال وسى تۇرمەدە جازاسىن وتەگەن ەدى. مونۋمەنتكە ەكس-پرەزيدەنتتىڭ سول تۇرمە كيىمىمەن جۇدىرىعىن كوككە كوتەرگەن ءساتى بەينەلەنگەن.
قىركۇيەكتىڭ باسىندا ءۇش اي بويى اۋرۋحانادا ەم العان 95 جاسار ماندەلا ۇيىنە شىعارىلدى. قازىر ونى دارىگەرلەر كەزەكشىلىكپەن باقىلاۋعا العان.
ايدار ورىسباەۆ.
