سوتقا دەيىنگى تەرگەۋدى جەڭىلدەتىلگەن (جىلدام) تۇردە وتكىزۋ – مەملەكەت پەن قىلمىستىق پروتسەسس قاتىسۋشىلارىنىڭ ۋاقىتىن, كۇش پەن قاراجاتىن ۇنەمدەۋگە مۇمكىندىك بەرەدى. سوتقا دەيىنگى تەرگەۋدىڭ بۇل ءتۇرى كىناسىن مويىنداۋ, جينالعان دالەلدەردىڭ جەتكىلىكتى بولۋى جانە داۋلاۋعا كەلمەۋى, سونداي-اق كەلتىرىلگەن شىعىن سوماسىمەن كەلىسكەن جاعدايدا قولدانىلادى. سوتتا كۇدىكتىلەردىڭ جازاسى جەڭىلدەتىلۋى مۇمكىن. بۇدان بولەك, سوتقا دەيىنگى جەڭىلدەتىلگەن تەرگەۋ تەرگەۋشىلەرمەن (انىقتاۋشىلارمەن) بايلانىستى بارىنشا ازايتىپ, تەرگەۋدى قىلمىس تىركەلگەن كۇننەن ون بەس كۇن ىشىندە اياقتاۋعا مۇمكىندىك بەرەدى.
ماسەلەن, تۇنگى كەزەكشىلىكتە جۇرگەن كريمينالدىق پوليتسيا قىزمەتكەرلەرىنىڭ قىراعىلىعى ارقاسىندا ءىزىن سۋىتپاي اشىلعان ۇرلىق بويىنشا ماتەريالدار سوتقا ەكى اپتا ىشىندە دايىندالدى.
كارانتين كەزىندە 29 ءساۋىر كۇنى شامامەن ساعات 5:30-دا ەكىنشى پوليتسيا بولىمىنە 1978 جانە 1991 جىلعى ءۇش قالا تۇرعىنى جەتكىزىلدى. ولار مىس كابەلىنىڭ ورامى سالىنعان ماشينامەن جۇرگەن. ۇشەۋى دە ەلەكترومونتەر بولىپ شىقتى, الايدا, ولاردا تۇنگى ۋاقىتتا جۇمىس جۇرگىزۋگە قۇقىق بەرەتىن قۇجاتتارى بولماعان. حاتتاما تولتىرىلىپ جاتقان كەزدە كريمينالدىق پوليتسيا قىزمەتكەرلەرى «رتج» ااق قويماسىنان مىس كابەلدىڭ جوعالعانىن انىقتادى. كەلتىرىلگەن شىعىن سوماسى 4 ملن تەڭگەدەن اسادى.
اتالعان فاكتى قر قىلمىستىق كودەكسىنىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. قازىرگى ۋاقىتتا كۇدىكتىلەر ەشقايدا كەتپەۋ تۋرالى قولحاتپەن جىبەرىلدى. اۆتوكولىكتەر ارنايى تۇراققا قويىلدى. اكىمشىلىك سوت ءوتىپ, بۇزۋشىلاردىڭ ارقايسىسىنا قر اكىمشىلىك قۇقىق بۇزۋشىلىق تۋرالى كودەكسىنىڭ 476-بابى بويىنشا ايىپپۇل سالىندى.
– قالىپتى قىلمىستىق ءوندىرىستىڭ مەرزىمى ەكى اي بولسا, جەڭىلدەتىلگەن سوتقا دەيىنگى تەرگەۋدىڭ شەكتى مەرزىمى – 15 كۇن, – دەپ اتاپ ءوتتى سقو پوليتسيا دەپارتامەنتى تەرگەۋ باسقارماسىنىڭ باسشىسى قايرات قاسىمبەكوۆ. – بۇل قىزمەتكەرلەردىڭ ۋاقىتى مەن قاۋقارىن ايتارلىقتاي ۇنەمدەيدى, سارساڭدى بولدىرماي, بار كۇش-جىگەردى كۇردەلى تەرگەۋگە سالۋعا مۇمكىندىك بەرەدى. قازىرگى ۋاقىتتا وبلىستا قىلمىستاردىڭ شامامەن 30% جەڭىلدەتىلگەن سوتقا دەيىنگى تەرگەۋ شەڭبەرىندە تەرگەلەدى, جىل باسىنان جەڭىلدەتىلگەن سوتقا دەيىنگى تەرگەۋ بويىنشا سوتقا 171 ءىس جولداندى.
