ۇيدەگى زورلىق-زومبىلىقتى الەمدىك قوعامداستىق شەشۋ جانە الدىن الۋ بويىنشا ەرەكشە شارالاردى تالاپ ەتەتىن الەۋمەتتىك پروبلەما رەتىندە قاراستىرادى. 2020 جىلى ايەلدەرگە قاتىستى 806 ءتۇرلى قىلمىستىق قۇقىق بۇزۋشىلىق (ۇرلىق, الاياقتىق, توناۋ جانە ت.ب.), وتباسى-تۇرمىستىق سالادا – 11 فاكتى تىركەلگەن.
وتباسىلىق قولايسىزدىقتىڭ, ايەلدەرگە قاتىستى زورلىق-زومبىلىقتىڭ الدىن الۋ ماقساتىندا پاۆلودارلىق پوليتسەيلەر الدىن الۋ ءىس-شارالارىن ءجيى وتكىزەدى. بۇگىنگى تاڭدا جەكە الدىن الۋ شارالارىنىڭ ءبىرى قورعاۋ نۇسقاماسىن شىعارۋ جانە سوتتاردىڭ قۇقىق بۇزۋشىنىڭ مىنەز-قۇلقىنا ەرەكشە تالاپتار قويۋى بولىپ تابىلادى. “102” پۋلتىنە تۇسەتىن بارلىق شاقىرۋلار بويىنشا قۇقىق بۇزۋشىعا قاتىستى ءبىر اي مەرزىمگە قورعاۋ نۇسقاماسى شىعارىلادى. جىل باسىنان بەرى 2319 قورعاۋ ۇيعارىمى شىعارىلدى, سونىمەن قاتار 247 ەرەكشە تالاپتار بەلگىلەندى.
پوليتسيا قىزمەتكەرلەرى Nur Otan پارتياسىنىڭ وكىلدەرىمەن بىرگە تۇرمىستىق زورلىق-زومبىلىقتان زارداپ شەككەندەردىڭ ءىس-قيمىل الگوريتمى بويىنشا جادىنامالار تاراتىلىپ, ىقتيمال قۇرباندارمەن ءتۇسىندىرۋ جۇمىستارىن جۇرگىزىپ جاتىر. قۇربانداردىڭ قاۋىپسىزدىگى داعدارىس ورتالىقتارىندا دەر كەزىندە وقشاۋلاۋمەن قامتاماسىز ەتىلەدى. ءبىلىم بەرۋ بولىمدەرىنىڭ وكىلدەرىمەن بىرگە تۇرعىلىقتى جەرى بويىنشا تۇرمىسى تومەن جانە كوپ بالالى وتباسىلارمەن جۇمىس ۇيىمداستىرىلدى. ەگەر ءسىز ۇيدەگى زورلىق-زومبىلىقتىڭ قۇربانى بولساڭىز, دەرەۋ پوليتسياعا “102” تەلەفونى ارقىلى حابارلاڭىز.
