ونلاين-كەلىسسوزدەرگە مونعوليانىڭ سالالىق مەملەكەتتىك ورگاندارى مەن ەكى ەلدىڭ توتەنشە جانە وكىلەتتى ەلشىلەرى قاتىستى.
كەلىسسوزدەر بارىسىندا تاراپتار ۇكىمەتارالىق كوميسسياعا دايىندىق بويىنشا اتقارىلعان جۇمىس پەن اعىمداعى جاعداي تۋرالى اقپاراتپەن الماستى.
تاراپتار ۇاك 8-ءشى وتىرىسىنا دايىندىق بويىنشا وتكىزىلەتىن بارلىق ءىس-شارالاردىڭ موڭعوليا پرەمەر-ءمينيسترى ۋ. حۋرەلسۋحتىڭ 2019 جىلعى 10-12 قازاندا نۇر-سۇلتان قالاسىنا رەسمي ساپارى شەڭبەرىندە قابىلدانعان, قازاقستان مەن موڭعوليا پرەمەر-مينيسترلەرىنىڭ قول جەتكىزگەن ۋاعدالاستىقتاردى ورىنداۋ ءۇشىن جۇزەگە اسىرىلاتىنىن اتاپ ءوتتى.
سونىمەن قاتار, ۆيتسە-مينيستر ك. تورەباەۆپەن كەزدەسۋ بارىسىندا ەكى تەمىر جول تارماعى (تاۆان-تولگوي-زۋنبايان جانە تاۆان – تولگوي-گاشۋنسۋحايت) قۇرىلىسى جۇزەگە اسىرىلاتىن تاۆان – تولگوي ءىرى تاسكومىر كەن ورنىن يگەرۋ جوباسى شەڭبەرىندە «لوكوموتيۆ قۇراستىرۋ زاۋىتى» اق-نىڭ 40 ماگيسترالدىق «تە33اس» جانە قارجى-ساقتاندىرۋ قۇرالدارىن قولدانا وتىرىپ, «تەم11ا» مانەۆرلىك تەپلوۆوزدارىن جەتكىزۋ بويىنشا ىنتىماقتاستىقتى ىسكە اسىرۋ ۇسىنىلدى.
قازاقستاندىق تاراپ ىقم يمپورتىنا قىزىعۋشىلىق تانىتىپ, تاياۋ ۋاقىتتا موڭعوليانىڭ ازىق-ت ۇلىك, اۋىل شارۋاشىلىعى جانە جەڭىل ونەركاسىپ مينيسترلىگىنە رەسمي ۇسىنىستار جىبەرەتىنىن حابارلادى.
كەزدەسۋ سوڭىندا تاراپتار موڭعول تاراپىنىڭ 2021-2024 جىلدارعا ارنالعان ساۋدا-ەكونوميكالىق ىنتىماقتاستىقتى جانداندىرۋ جونىندەگى 8-ءشى وتىرىستىڭ كۇن ءتارتىبىنىڭ, حاتتاماسى مەن جول كارتاسىنىڭ جوبالارىنا ۇسىنىستار بەرۋى تۋرالى, سونداي-اق قازاقستاندىق تاراپتىڭ لوكوموتيۆتەردى جەتكىزۋ جونىندەگى ۇسىنىستارىن قاراۋ تۋرالى ۋاعدالاستى.
