تالاپ-ارىزدى قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى (تققك) ۇسىندى.
جاۋاپكەردىڭ وكىلى بيلەتتەردى تۇتىنۋشىلاردىڭ ارنايى تاريف بويىنشا ساتىپ العاندىعىن دالەلدەي وتىرىپ, كوميتەتتىڭ تالابىن مويىنداماي وتىر. ادەتتە اۋەكومپانيالاردىڭ شارتتارى بويىنشا, ەگەر جولاۋشى ءوز كىناسى بويىنشا مەجەلى ورنىنا ۇشا الماسا (كەشىگىپ, تىركەۋدەن وتپەسە, ۇشاق بورتىنا وتپەگەن جاعدايدا جانە ت.ب) ارنايى تاريف بويىنشا ساتىپ الىنعان بيلەتتەردىڭ قۇنى قايتارىلمايدى.
الايدا, بۇل جاعدايدا جولاۋشىلار «بەك ەير» اق اۋەكومپانياسىنىڭ كىناسىنەن ۇشىپ كەتە المادى. سوندىقتان, «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ زاڭىنا (86-باپ) جانە اۋە كولىگىندە جولاۋشىلاردى, باگاجدى جانە جۇكتەردى تاسىمالداۋ ەرەجەلەرىنە (38-تارماق) سايكەس تاسىمالداۋشىنىڭ كىناسىنەن 10 ساعاتتان استام مەرزىمگە كەشىكتىرىلگەن نەمەسە رەيستىڭ كۇشى جويىلعان جاعدايدا تاسىمالداۋشى جولاۋشىنىڭ تاڭداۋى بويىنشا مىندەتتى:
1) جولاۋشىنى بيلەتتە كورسەتىلگەن مەجەلى ورنىنا دەيىن جاقىن رەيسپەن تاسىمالداۋدى قامتاماسىز ەتۋگە;
2) جولاۋشىعا بيلەتتىڭ تولىق قۇنىن قايتارۋعا مىندەتتى.
(اڭىقتاما. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ 2015 جىلعى 23 ساۋىردەگى № 540 بۇيرىعىمەن بەكىتىلگەن).
سوندىقتان تققك بۇزىلعان قۇقىقتاردى قالپىنا كەلتىرۋ جانە ازاماتتارعا قاراجاتتى قايتارۋ جونىندە شارالار قابىلداۋدى جالعاستىراتىن بولادى.
سونىمەن قاتار, تققك-ءنىڭ ءوتىنىشى بويىنشا سۋديا «بەك ەير» اق-نان كەلەسى وتىرىسقا 300 ملن تەڭگە تولەنگەن تۋرالى دالەلدەمەلەردى ۇسىنۋدى تالاپ ەتتى.
كەلەسى وتىرىس 2020 جىلدىڭ 19 مامىرىنا تاعايىندالدى.
2020 جىلعى 13 مامىرداعى جاعداي بويىنشا تققك 670 تۇتىنۋشىنىڭ مۇددەسىن بىلدىرەدى, ولار 44 ملن تەڭگەدەن استام سوماعا 1267 بيلەت ساتىپ الىنعان.
كوميتەتتىڭ تالاپ-ارىز بويىنشا تالاپتارى:
- تۇتىنۋشىلاردىڭ كىناسىنەن بولماعان الدىن الا ساتىپ الىنعان بيلەتتەردىڭ تولىق قۇنىن ءوندىرىپ الۋعا «بەك ەير» اق قىزمەتتەرىن الۋشى تۇتىنۋشىلاردىڭ قۇقىقتارىن مويىنداۋ.
- تۇتىنۋشىلاردىڭ كىناسىنەن بولماعان اۋەرەيستەردىڭ توقتاتىلۋى بۇرىن ساتىپ الىنعان بيلەت شىعىنداردىڭ تولىق قۇنىن قايتارۋعا جاۋاپكەردى ماجبۇرلەۋ.
- تۇتىنۋشىلاردىڭ پايداسىنا اۋەبيلەتتەر ءۇشىن تولەنگەن سومانى جاۋاپكەردەن ىزدەستىرۋ.
