سەنات بيۋروسىنىڭ وتىرىسى

كەشە قاسىم-جومارت توقاەۆتىڭ توراعالىق ەتۋىمەن بولعان پارلامەنت سەناتى بيۋروسىنىڭ وتىرىسىندا پارلامەنت ءماجىلىسى ماقۇلداعان زاڭ جوبالارى پالاتا كوميتەتتەرى اراسىندا ءبولىنىپ بەرىلدى, دەپ حابارلادى سەناتتىڭ ءباسپاسوز قىزمەتى. اتاپ ايتقاندا, “قازاقستان رەس­پۋبليكاسىنىڭ كەيبىر زاڭنا­ما­لىق اكتىلەرىنە ترانسفەرتتىك باعا بەلگىلەۋ جانە سالىق سالۋ ءما­سەلەلەرى بويىنشا وزگەرىستەر مەن تولىقتىرۋلار ەنگىزۋ تۋ­رالى” زاڭ جوباسىن قارجى جانە بيۋد­جەت كوميتەتى زەردەلەيتىن بولدى. “بيووتىن ءوندىرىسى جانە اينالىمىن مەملەكەتتىك رەتتەۋ تۋرالى” جانە “قازاقستان رەس­پۋب­­ليكاسىنىڭ كەيبىر زاڭناما­لىق اكتىلەرىنە بيووتىن ءوندىرىسى جانە اينالىمىن مەملەكەتتىك رەت­تەۋ ماسەلەلەرى بويىنشا ءوز­گە­رىستەر مەن تولىقتىرۋلار ەن­گىزۋ تۋرالى” زاڭ جوبالارى اگ­رارلىق ءما­سەلەلەر جانە قورشا­عان ورتا­نى قورعاۋ كوميتەتىنە بەرىلدى. ەكونوميكالىق جانە وڭىرلىك ساياسات كوميتەتىنە “قازاقستان رەسپۋبليكاسىنىڭ ۇكىمەتى مەن ارمەنيا رەسپۋبليكاسىنىڭ ۇكى­مەتى اراسىنداعى ينۆەستيتسيا­لار­دى كوتەرمەلەۋ جانە ءوزارا قورعاۋ تۋرالى كەلىسىمدى راتيفيكاتسيالاۋ تۋرالى” زاڭ جوباسى بەلگىلەندى. بيۋرو وتىرىسىندا سونداي-اق “قازاقستان رەسپۋبليكاسى ورتا­لىق سايلاۋ كوميسسياسىنىڭ ءمۇ­شە­سى قىزمەتىنە تاعايىنداۋ تۋ­را­لى” سەنات توراعاسىنىڭ ۇسى­نى­سى دا قارالدى. وتىرىستا پالاتانىڭ 9 ءساۋىر­دە بولاتىن كەزەكتى وتىرىسىنىڭ كۇن ءتارتىبى بويىنشا كوميتەت­تەر­دىڭ ۇسىنىستارى دا تالقىلاندى. دەپۋتاتتاردىڭ قاراۋىنا “قازاق­ستان رەسپۋبليكاسى مەن رەسەي فە­دەراتسياسى اراسىنداعى “باي­قو­ڭىر” كەشەنىن ءتيىمدى پاي­دا­لا­نۋ جونىندەگى ىنتىماقتاستىقتى دامىتۋ تۋرالى كەلىسىمدى راتي­في­كا­تسيالاۋ تۋرالى” زاڭ جوباسى ەنگىزىلدى. سونداي-اق باسقا دا بىرقاتار زاڭ جوبالارى قارالاتىن بولدى.