«نۇر وتان» حالىقتىق-دەموكراتيالىق پارتياسى قوستاناي وبلىستىق فيليالىنىڭ حV كەزەكتەن تىس كونفەرەنتسياسى ءوتتى. وعان پارتيانىڭ بارلىق دەڭگەيدەگى ۇيىمدارىنان 240 دەلەگات قاتىستى.
«نۇر وتان» حالىقتىق-دەموكراتيالىق پارتياسى قوستاناي وبلىستىق فيليالىنىڭ حV كەزەكتەن تىس كونفەرەنتسياسى ءوتتى. وعان پارتيانىڭ بارلىق دەڭگەيدەگى ۇيىمدارىنان 240 دەلەگات قاتىستى.
– پارتيا باستاۋىش ۇيىمداردان باستالادى. ولاردىڭ جەر-جەردە اتقارىپ وتىرعان جۇمىسى ەلىمىزدەگى ۇلكەن يگىلىكتى ىستەرگە جالعاسادى, – دەدى كونفەرەنتسيا جۇمىسىن جۇرگىزىپ وتىرعان «نۇر وتان» پارتياسى وبلىستىق فيليالىنىڭ توراعاسى, وبلىس اكىمى نۇرالى سادۋاقاسوۆ. «قازاقستان-2050» ستراتەگياسىن جۇزەگە اسىرۋداعى «نۇر وتان حدپ العا قويعان جاڭا مىندەتتەر» تۋرالى حابارلاما جاساعان پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ريمما بەكتۇرعانوۆا جۇزەگە اسقان جۇمىستارعا شولۋ جاسادى. ول پارتيانىڭ بۇرىنعىداي ۇلكەن اۋديتوريالاردا وتەتىن جينالىستاردان, دابىرلى شارالاردان الىستاپ, حالىققا, قاراپايىم ادامدارعا جاقىن كەلۋ كەرەكتىگىن تىلگە تيەك ەتتى. ونداي جۇمىستاردىڭ اۋليەكول, ۇزىنكول اۋداندارىنداعى جاقسى ۇلگىسىن دە اتاپ ءوتتى. بۇگىندە پارتيانىڭ جەرگىلىكتى باستاۋىش ۇيىمدارىنا جۇمىس جۇرگىزۋگە قولايلى جاعدايلار جاسالعان. ولاردىڭ كەڭسەلەرى ينتەرنەتكە قوسىلىپ, كولىكپەن قامتاماسىز ەتىلگەن.
18 قازاندا استانا قالاسىندا جەتەكشى پارتيانىڭ كەزەكتەن تىس حV سەزى وتەدى. وندا قابىلداناتىن دوكترينا بۇگىندە باستاۋىش ۇيىمداردا جانە اۋداندىق, قالالىق فيليالدار كونفەرەنتسيالارىندا تالقىلانۋدا. وعان ۇكىمەت مۇشەلەرى مەن پارلامەنت دەپۋتاتتارى قاتىسىپ جاتىر. ءتۇرلى الاڭداردا, كاسىپوداق, ارداگەرلەر, ايەلدەر جانە جاستار ۇيىمدارىندا وتكەن تالقىلاۋلاردا دوكترينا جوباسىنىڭ ءتۇرلى بولىمدەرىنە 27 ۇسىنىس ايتىلعان.
جينالعاندارعا پارتيانىڭ «نۇر وتان. نۇرلى بولاشاق جولىندا!» ساياسي دوكتريناسى تۋرالى وبلىستىق «كوستانايسكيە نوۆوستي» گازەتىنىڭ رەداكتورى سەرگەي حارچەنكو ەگجەي-تەگجەيلى ايتىپ بەردى. دوكترينا كوتەرىپ وتىرعان ادامزاتتىق, حالىقتىق قۇندىلىقتاردى ساقتاۋعا جاستاردىڭ قاتىسۋى جونىندە جاس مامان ناتاليا شپاگينانىڭ ءسوزى دە اسەرلى شىقتى.
كونفەرەنتسيا جۇمىسىنا «نۇر وتان» حدپ ورتالىق اپپاراتىنىڭ جەتەكشىسى قۇمار اقساقالوۆ قاتىسىپ, ءسوز سويلەدى. پارتيانىڭ استانادا وتەتىن كەزەكتەن تىس حV سەزىنە وبلىستان 85 دەلەگات باراتىن بولدى.
ءنازيرا جارىمبەتوۆا,
«ەگەمەن قازاقستان».
قوستاناي.
