نىساندار بارلىق قىزمەتكەرلەر مەن كەلۋشىلەر ءۇشىن قاتاڭ سانيتارلىق-ەپيدەميولوگيالىق رەجيمدى قامتاماسىز ەتۋگە مىندەتتى.
«بيزنەس باسشىلارى ءوز قىزمەتكەرلەرىن جەكە قورعانۋ قۇرالدارىمەن قامتاماسىز ەتۋگە مىندەتتى: بۇل مەديتسينالىق ماسكالار, قولعاپتار, ەگەر جۇمىسقا قاجەت بولسا قالپاقتار مەن حالاتتار. كەلۋشىلەر اراسىندا 2 مەتر قاشىقتىق ساقتاۋدى باقىلاۋ ماڭىزدى. سونداي-اق كىرۋ جانە شىعۋ كەزىندە قولدى وڭدەۋگە انتيسەپتيكتەر بولۋى ءتيىس», – دەپ اتاپ ءوتتى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۋرزاەۆ.
ەلوردالىق كاسىپكەرلەردى سانيتارلىق نورمالاردى قاتاڭ ساقتاۋعا شاقىرادى. ويتكەنى جۇقتىرۋ قاۋپى ءالى دە ساقتالادى.
«كارانتين تالاپتارىنا بايلانىستى, قىزمەتكەرلەر جۇمىسقا كەلگەندە, ءبىز دەنە تەمپەراتۋراسىن ولشەپ, جۋرنالعا جازامىز. سودان كەيىن ولارعا جاڭا مەديتسينالىق ماسكالار مەن قولعاپتار, باس كيىمدەر مەن حالاتتار بەرىلەدى. ءار ساعات سايىن باكتەريتسيدتى شامداردى قوسامىز. قازىر بىزدە اسپازداردىڭ سانى شەكتەۋلى. ءبىزدىڭ كۋرەرلەرىمىز ءار جەتكىزۋدەن سوڭ سومكەنى مىندەتتى تۇردە انتيسەپتيكپەن وڭدەيدى», – دەدى ەلوردا مەيرامحانالارىنىڭ ءبىرىنىڭ ديرەكتورى ايدا ادىلباەۆا.
كەيبىر كاسىپكەرلەر قولدانىلعان ماسكالار مەن قولعاپتارعا ارنالعان ارنايى ۋرنالار جانە بارلىق كەلۋشىلەردىڭ دەنە تەمپەراتۋراسىن جاناسپاي ولشەۋگە مۇمكىندىك بەرەتىن تەمپەراتۋرانى كاليبرلەيتىن ينفراقىزىل كامەرالار ورناتتى.
«بارلىق كىرەبەرىستەردە انتيسەپتيك ورناتىلدى. ساۋدا ورتالىعىنا بەتپەردەسىز كىرۋ شەكتەلگەن. تەمپەراتۋرانى جاناسۋسىز ولشەيمىز. پيلوتتىق نۇسقا رەتىندە تەمپەراتۋرا كاليبرلەۋ ينفراقىزىل كامەرالار, سونداي-اق جەكە قورعانۋ قۇرالدارى ءۇشىن ارنايى ۋرنالار قويىلدى». كەلەسى رۇقسات ەتۋ كەزەڭدەرىن كۇتۋدەمىز» – دەدى «حانشاتىر» سوسو وپەراتسيالىق ديرەكتورى تەمىربەك شوقانوۆ.
سونداي-اق تەكسەرۋ بارىسىندا كاسىپكەرلەر كاسىپورىن جۇمىسىن بىرتىندەپ قالپىنا كەلتىرۋ بويىنشا ءوز ۇسىنىستارىن ايتتى. ۇسىنىستار قارالاتىن بولادى.
