اتالعان جۇمىس «سامرۇق-قازىنا» ۇلتتىق ءال-اۋقات قورى» اق دەمەۋشىلىك قاراجاتى ەسەبىنەن «مەنىڭ ەلىم» باعدارلاماسى بويىنشا جۇرگىزىلۋدە. ال, تۇرعىندار يگىلىگى ءۇشىن قولعان الىنعان بۇل جوبانى «Samruk-Kazyna Trust» كورپوراتيۆتىك قورى ىسكە اسىرادى. اتالعان قور جاساندى توسەنىشى بار جانە قورشالعان كىشى فۋتبول الاڭشاسىن, تارتان توسەنىشى بار كوشە ترەناجەرلارى جانە تارتان توسەنىشى بار بالالار ويىن الاڭشاسىن سالىپ, تۇرعىندار يگىلىگىنە تارتۋ ەتەتىن بولادى.
جالپى, تاراز قالاسىنداعى «قاراتاۋ» مولتەكاۋدانىندا بارلىعى 11800 ادام تۇراتىن بولسا, ونىڭ ىشىندە اۋلالارىنا الاڭشا سالىناتىن ءۇي تۇرعىندارىنىڭ سانى 1500 ادامدى قۇرايدى. سونداي-اق, اتالعان مولتەكاۋداندا 1592 وقۋشىعا جالپى ءبىلىم بەرەتىن №38 مەكتەپ جانە 412 ستۋدەنت قامتىلعان «تاراز-عاسىر» كوللەدجى ورنالاسقان. تاراز قالاسى اكىمدىگىنىڭ مالىمەتىنشە, قۇرىلىستىڭ نىسانالى ماقساتى – قالا تۇرعىندارى, جاستار مەن جاسوسپىرىمدەر اراسىندا سالاۋاتتى ءومىر سالتىن ناسيحاتتاۋ, دەنە شىنىقتىرۋ جانە سپورتپەن جۇيەلى تۇردە شۇعىلدانۋعا تارتۋ بولىپ تابىلادى. سونداي-اق, قۇرىلىس اياقتالعاننان كەيىن اتالعان كەشەن اۋلالاردىڭ تۇرعىندارىمەن قاتار, جالپى مولتەكاۋداننىڭ تۇرعىندارى ءۇشىن دە تەگىن نەگىزدە قولجەتىمدى بولادى.
جامبىل وبلىسى
