«قورعانىس مينيسترلىگىنىڭ باسشىلىعىمەن ەڭ ماڭىزدى الەۋمەتتىك ماسەلەنىڭ ءبىرى بولىپ تابىلاتىن اسكەري قىزمەتشىلەردىڭ تۇراقتى باسپانامەن عانا ەمەس, سونداي-اق قىزمەتتىك ۇيمەن قامتاماسىز ەتىلۋ قۇقىعى ءوز شەشىمىن تابۋدا,- دەدى «شىعىس» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور اسان ءجۇسىپوۆ. – اسكەري قىزمەتشىلەر جاڭا پاتەرلەرىن تولىق ىشكى ارلەۋ جۇمىستارىنان كەيىن الادى. پلاستيكالىق تەرەزەلەر, كىرەبەرىس جانە ىشكى ەسىكتەر, سانتەحنيكالىق قۇرىلعىلار, ەلەكتر پليتالار ورناتىلىپ, ءورت دابىل بەرگىشتەرى, ەلەكتر جانە سۋ ەسەپتەگىش قۇرالدارى ىسكە قوسىلعان. ءۇيدىڭ قاسبەتى جەلدەتىلەتىن وتقا ءتوزىمدى جۇيەلەرمەن قاپتالعان».
اۋلانىڭ اۋماعى اباتتاندىرىلىپ, بالالارعا ارنالعان ويىن الاڭى جانە جاتتىعۋ قۇرالدارى بار سپورت الاڭى ورناتىلعان.
«يۋجنىي» اسكەري قالاشىعىنىڭ كوپتەگەن عيماراتتارى مەن قۇرىلىستارى 70-90 جىلدارى سالىنعان, بىراق سوڭعى كەزدەرى ولاردىڭ كەلبەتى تۇبەگەيلى وزگەردى. 1350 پاتەردەن تۇراتىن 18 تۇرعىن ءۇيدىڭ 15-ءى تولىق جوندەۋ جۇمىستارىنان وتكەن.
2020 جىلعى جوسپار بويىنشا 36 عيمارات پەن قۇرىلىسقا كۇردەلى جوندەۋ جۇمىستارىن جۇرگىزۋ قاراستىرىلعان, 70 پاتەردەن تۇراتىن ءبىر تۇرعىن ءۇيدى شىلدە ايىندا اياقتاپ تاپسىرۋ جوسپارلانعان.
2018 جىلى اسكەري قالاشىقتا شامامەن 1000 بالاداي وقيتىن جاڭا مەكتەپ اشىلدى. مۇندا 200 ورىندىق بالاباقشا, اسكەري ەمحانا مەن گوسپيتال, ازىق-ت ۇلىك دۇكەندەرى جانە باسقا دا نىساندار بار.
سپورتپەن شۇعىلدانۋعا ارنالعان سپورت كەشەنى بار. اسكەري قىزمەتشىلەردىڭ بالالارى فۋتبول, ۆولەيبول, تاەكۆوندو, دجيۋ-دجيتسۋ جانە باسقا دا سپورت تۇرلەرىنە قاتىسادى. مادەني-دەمالىس ورتالىعىندا 6 مەن 14 جاس ارالىعىنداعى بالالارعا ارنالعان بي ۇيىرمەلەرى جۇمىس ىستەيدى. مەكتەپتە قوسىمشا قولونەر مەن مۋزىكانى دامىتۋعا ارنالعان شىعارماشىلىق ۇيىرمەلەر, سونداي-اق سپورت سەكتسيالارى ۇيىمداستىرىلعان.
اسكەري قىزمەتشىلەر مەن ولاردىڭ وتباسى مۇشەلەرىنىڭ ايتۋىنشا, جابىق اسكەري قالاشىقتاعى ومىرلەرى تىنىش ءارى ءبىر قالىپتى, ال اۋماق ابباتاندىرىلىپ, تۇرعىن ۇيلەردىڭ جوندەلۋىنەن كەيىن اينالا جايلانا تۇسەتىنىنە سەنىمدى.
