قاي حالىقتىڭ بولماسىن ادەبيەتى مەن ونەرى سول جۇرتتىڭ ءمادەنيەتىنىڭ قاينارى, تەرەڭگە بويلاعان رۋحاني تامىرى ەكەنى اقيقات. سول رۋحاني تامىردى تامىرشىداي تاپ باسىپ حالقىنىڭ مادەنيەتى مەن ونەرىن ورگە سۇيرەر دانالار قاي حالىقتا دا بار دەسەك, قازاق جۇرتىنىڭ جوعىن ىزدەپ, قيىن-قىستاۋ كەزەڭدەردە ەلىنە تۇتقا بولا بىلگەن اتپال ازاماتىمىزدىڭ ءبىرى دە بىرەگەيى ماعجان جۇماباەۆ ەكەنى بەلگىلى. ماعجان جۇماباەۆ شىعارماشىلىعىنا ەڭ العاش باعا بەرگەندەردىڭ ءبىرى مۇحتار اۋەزوۆ ماعجاننىڭ ءسوزىنىڭ بولاشاققا انىق جەتەتىندىگىن تىلگە تيەك ەتسە, كوركەم ءسوز شەبەرى جۇسىپبەك ايماۋىتوۆ «...ول سىرشىل, تولعاعىش, سۋرەتشى, ءسوز ۇستاسى, ءتۇرشىل, رومانتيك, مادەنيەتشىل, كۇنشىعىسشىل اقىن», دەپ شىنايى باعاسىن بەرەدى. ال ەلباسىمىز نۇرسۇلتان نازارباەۆ ءوزىنىڭ «تاريح تولقىنىندا» كىتابىندا ماعجاننىڭ ءموپ-ءمولدىر اسىل ليريكاسى ىنتا-ىقىلاس قويعان ءاربىر ادامنىڭ ىشكى جان-دۇنيەسىن بايىتا تۇسەتىنىن اتاپ كورسەتكەن.
قاي حالىقتىڭ بولماسىن ادەبيەتى مەن ونەرى سول جۇرتتىڭ ءمادەنيەتىنىڭ قاينارى, تەرەڭگە بويلاعان رۋحاني تامىرى ەكەنى اقيقات. سول رۋحاني تامىردى تامىرشىداي تاپ باسىپ حالقىنىڭ مادەنيەتى مەن ونەرىن ورگە سۇيرەر دانالار قاي حالىقتا دا بار دەسەك, قازاق جۇرتىنىڭ جوعىن ىزدەپ, قيىن-قىستاۋ كەزەڭدەردە ەلىنە تۇتقا بولا بىلگەن اتپال ازاماتىمىزدىڭ ءبىرى دە بىرەگەيى ماعجان جۇماباەۆ ەكەنى بەلگىلى. ماعجان جۇماباەۆ شىعارماشىلىعىنا ەڭ العاش باعا بەرگەندەردىڭ ءبىرى مۇحتار اۋەزوۆ ماعجاننىڭ ءسوزىنىڭ بولاشاققا انىق جەتەتىندىگىن تىلگە تيەك ەتسە, كوركەم ءسوز شەبەرى جۇسىپبەك ايماۋىتوۆ «...ول سىرشىل, تولعاعىش, سۋرەتشى, ءسوز ۇستاسى, ءتۇرشىل, رومانتيك, مادەنيەتشىل, كۇنشىعىسشىل اقىن», دەپ شىنايى باعاسىن بەرەدى. ال ەلباسىمىز نۇرسۇلتان نازارباەۆ ءوزىنىڭ «تاريح تولقىنىندا» كىتابىندا ماعجاننىڭ ءموپ-ءمولدىر اسىل ليريكاسى ىنتا-ىقىلاس قويعان ءاربىر ادامنىڭ ىشكى جان-دۇنيەسىن بايىتا تۇسەتىنىن اتاپ كورسەتكەن.
بيىل وسىنداي كەمەڭگەر اقىن ماعجان جۇماباەۆتىڭ تۋعانىنا 120 جىل تولىپ, ەل-جۇرتى مارتەبەسىن اسىرىپ جەر-جەردە اتاپ ءوتتى. وسىعان وراي ەل كولەمىندە ءبىراز يگىلىكتى شارالار دا جۇزەگە اسىرىلدى. ماسەلەن, قازاقستان رەسپۋبليكاسىنىڭ ۇلتتىق بانكى 2013 جىلعى 28 مامىردان باستاپ نومينالدىق قۇنى 50 تەڭگەلىك ماعجان جۇماباەۆتىڭ 120 جىلدىعىنا ارنالعان ەسكەرتكىش مونەتانى اينالىسقا شىعاردى. سول سياقتى, «تۇرانفيلم» ستۋدياسى تۇسىرگەن اقىننىڭ ءومىرىن, شىعارمالارىن, ازاماتتىق بەت-بەينەسىن بەينەلەيتىن كينوتۋىندىنى ەل-جۇرتى جىلى قابىلداسا, ءمادەنيەت جانە اقپارات مينيسترلىگى مەن سولتۇستىك قازاقستان وبلىسىنىڭ اكىمدىگى ءبىرلەسىپ «ماعجان كوكتەمى» II رەسپۋبليكالىق ونەر فەستيۆالىن وتكىزدى.
ماعجان جۇماباەۆتىڭ وشپەس ونەگەلى مول مۇراسىمەن ەل-جۇرتى تاۋەلسىزدىك العاننان كەيىن عانا تولىققاندى تانىسا العانى بەلگىلى. شىعارمالارى بىرنەشە توم بولىپ وقىرمانىمەن قاۋىشسا, سونداي يگىلىكتى شارالاردىڭ ءبىرى – «ماعجان» اتتى جۋرنالدىڭ جارىق كورۋى ەدى. وسىعان وراي ەلورداداعى ۇلتتىق كىتاپحانادا «ماعجان» جۋرنالىنىڭ العاشقى سانىنىڭ شىعۋىنا بايلانىستى تۇساۋكەسەر ءراسىمى بولىپ ءوتتى. وقىرمان قاۋىم الدىندا العاشقى بولىپ ءسوز العان پارلامەنت سەناتىنىڭ دەپۋتاتى قۋانىش ايتاحانوۆ: «تاۋەلسىزدىك العاننان كەيىن ءبىز تاريحىمىزداعى اقتاڭداقتاردى اقتارىپ, بۇرىن بىلمەي كەلگەن تاريحشىلارىمىزدى, كوسەمدەرىمىزدى, حاندارىمىزدى, شەشەندەرىمىزدى, نەبىر ءدۇلدۇل اقىن-جازۋشىلارىمىزدى قايتا تىرىلتتىك. سولاردىڭ ءبىرى دە بىرەگەيى ماعجان جۇماباەۆ بولىپ تابىلادى. ءبىزدىڭ ۇرپاق ماعجان جۇماباەۆتى, ارينە, بىلگەن جوق. ماعجان جۇماباەۆ قازاقتىڭ ۇلى اقىنى, ۇلت تاعدىرىنىڭ جىرشىسى» دەي كەلىپ, «ماعجان» جۋرنالىنىڭ جارىققا شىعۋىنا قامقورلىق جاساعان سولتۇستىك قازاقستان وبلىسىنىڭ اكىمى سامات ەسكەندىروۆكە كوپشىلىك اتىنان راحمەت ايتىپ, بۇگىن ءبىر وبلىستىڭ كۇشىمەن شىعارىلىپ وتىرعان جۋرنالدى رەسپۋبليكا كولەمىندە شىعارساق تا ارتىقتىق ەتپەيدى دەدى. ودان كەيىن ءسوز العان قوعام قايراتكەرى, بەلگىلى اقىن كاكىمبەك سالىقوۆ قولعا العان يگىلىكتى شارا ۇزاعىنان ءسۇيىندىرسىن دەي كەلىپ, جۋرنالدىڭ ءالى دە كولەمىن قالىڭداتا ءتۇسىپ, عىلىمي دارەجەسىن جوعارى دەڭگەيگە كوتەرە ءتۇسۋ كەرەكتىگىنە توقتالىپ, باسىلىمنىڭ ەلىمىزدىڭ بارلىق ايماقتارىنا تارالۋىنا كۇش سالۋ كەرەكتىگىنە توقتالىپ ءوتتى. ءماجىلىس دەپۋتاتى, بەلگىلى قالامگەر الدان سمايىلدىڭ ماعجان ەسىمىن ستۋدەنتتىك شاعىندا العاش ەستىگەندىگى جونىندەگى ءاڭگىمەسى اسەرلى شىقسا, پەداگوگيكا عىلىمدارىنىڭ دوكتورى, ۇستاز كۇلتاس قۇرمانباي قاتىسىپ وتىرعان جاستارعا قاراتا ماعجان اتالارىنىڭ ولەڭىن وقىڭدار, ول كىسى ماحابباتتى شەگىنە جەتكىزە جىرلاعا ن ءدۇلدۇل اقىن دەپ اعىنان جارىلدى. زاڭ عىلىمدارىنىڭ دوكتورى بەكەت تۇرعاراەۆ «ماعجان» جۋرنالىنىڭ جارىق كورۋىن ەلىمىزدىڭ ادەبي, مادەني ومىرىندەگى ەلەۋلى وقيعا دەپ باعالادى.
سونداي-اق, باس قوسۋدا فيلولوگيا عىلىمدارىنىڭ دوكتورى, عالىم سەرىك نەگيموۆ, اقىن, مەملەكەتتىك سىيلىقتىڭ لاۋرەاتى نەسىپبەك ايت ۇلى, فيلولوگيا عىلىمدارىنىڭ دوكتورى, جازۋشى-عالىم تۇرسىن جۇرتباي, باسقا دا ءسوز العان ازاماتتار قالىڭ وقىرمانمەن قاۋىشىپ وتىرعان ادەبي-كوركەم, قوعامدىق-ساياسي «ماعجان» جۋرنالىنا ىزگى تىلەكتەرىن ءبىلدىرىپ, ءوز وي-پىكىرلەرىن ورتاعا سالدى. كەشتى قازاقستاننىڭ ەڭبەك سىڭىرگەن قايراتكەرى, جازۋشى بايانعالي ءالىمجان جۇرگىزىپ وتىردى.
بەرىك سادىر,
«ەگەمەن قازاقستان».
–––––––––––––––
سۋرەتتەردى تۇسىرگەن
ەرلان وماروۆ.
