پرەزيدەنتتىڭ مالىمدەمەسى بويىنشا قازىردىڭ وزىندە 1 ميلليون 100 مىڭنان استام ازامات جۇمىسقا شىققان. ەلىمىزدە دۇكەندەر, ءسان سالوندارى, ءبىلىم ورتالىقتارى اشىلادى, باسقا دا نىسانداردىڭ قىزمەتى قايتا جاندانۋدا. جولاۋشىلارعا ارنالعان اۋە تاسىمالىنىڭ جۇمىسى قالپىنا كەلۋدە.
بۇگىنگى كۇنى ەڭبەك جانە حالىقتى الەۋمەتتىك قورعاۋ ءمينيسترىنىڭ اقپاراتىنا سايكەس, جالپى 4 ملن 539 مىڭ ادام توتەنشە جاعداي ەنگىزىلگەنگە دەيىن جۇمىس ىستەگەن, الايدا تج ەنگىزىلۋىنە بايلانىستى تابىسىنان ايىرىلعان ازاماتتارعا بەرىلەتىن وتەماقىنى العان, وعان بارلىعى 193 ملرد تەڭگە جۇمسالعان. ۇكىمەتتىڭ حابارلاۋىنشا, 1 ميلليوننان استام ازاماتقا ازىق-ت ۇلىك پەن تۇرمىستىق زاتتار ۇلەستىرىلگەن. كوممۋنالدىق تولەمدەردىڭ ءتاريفى تومەندەتىلگەن. كوممۋنالدىق تولەمدەردى تولەۋ ءۇشىن اسا مۇقتاج جانداردىڭ قوسىمشا كومەك الۋى جالعاسىن تابۋدا. بانكتەر تاراپىنان 2 ميلليونعا جۋىق ازاماتتىڭ نەسيە تولەۋ مەرزىمى كەيىنگە شەگەرىلگەنى بەلگىلى بولدى. مەملەكەت تاراپىنان قولجەتىمدى نەسيە بەرۋ, كوكتەمگى ەگىس ناۋقانىن جۇرگىزۋ, جۇمىس ورىندارىن اشۋ جانە ساقتاۋ ءۇشىن ايتارلىقتاي قاراجات ءبولىنىپ جاتىر. 700 مىڭنان استام كومپانيا مەن كاسىپكەرلەر ءۇشىن سالىق جۇكتەمەسى ازايتىلعانى وتە ورىندى دەپ سانايمىن. ۇكىمەتتىڭ جوسپارى بويىنشا 2020 جىلى 1 ملن 200 مىڭنان استام ادام جۇمىسپەن قامتىلاتىن بولادى. بۇل جاقسى جاڭالىقتاردىڭ ءبىرى دەپ سانايمىن.
پرەزيدەنت قاسىم-جومارت توقاەۆ كوميسسيا وتىرىسىندا ءبىلىم بەرۋ باعدارلامالارىنىڭ مازمۇنىن قايتا قاراپ, ولاردى قولجەتىمدى جانە ينتەراكتيۆتى ەتۋ قاجەتتىگىن, مۇعالىمدەردىڭ دايىندىعى جاڭا تالاپتاردى ەسكەرە وتىرىپ جۇرگىزىلۋى كەرەكتىگىن جەتكىزدى. پرەزيدەنتتىڭ ايتۋىنشا, ءبىلىم بەرۋ الدەقايدا يكەمدى بولۋى كەرەك. مەملەكەت باسشىسى بالالار مەن ستۋدەنتتەردى قاشىقتان وقىتۋدىڭ حاتتامالارى مەن ادىستەرىن جاساپ, ەلدەگى بارلىق وقۋ ورىندارىن ناقتى تسيفرلاندىرۋدى اياقتاۋ قاجەتتىگىنە توقتالدى.
پرەزيدەنتىمىز وسى قيىن كەزەڭ وتكەننەن كەيىن دە دەنساۋلىق ساقتاۋ جۇيەسىنە قاتىستى بارلىق ماسەلەلەردى قايتا قاراپ, الداعى جاعدايلارعا دايىن بولۋىمىز كەرەكتىگىنە ءمان بەردى, ۇكىمەتكە ناقتى مىندەتتەر قويدى. وسىعان وراي ۇكىمەت جانىنان بەدەلدى عالىمدار مەن ساراپشىلاردان قۇرالعان بيولوگيالىق قاۋىپسىزدىك بويىنشا عىلىمي كەڭەس قۇرىلاتىنى بەلگىلى بولدى.
سونىمەن قاتار ۇكىمەت لايىقتى ەڭبەكاقى تولەۋ مەن قارجى-سالىق جۇيەسىن رەتتەپ, جەمقورلىقتى اۋىزدىقتاۋعا بارىنشا كۇش سالۋ كەرەك. قازىنا قارجىسىن بولاشاعى ب ۇلىڭعىر الەۋمەتتىك باعدارلامالاردى ىسكە اسىرۋعا ەمەس, حالىقتىڭ تۇرمىس دەڭگەيىن كوتەرۋگە, ءومىر ءسۇرۋ ساپاسىن ارتتىرۋعا جۇمساۋ قاجەت.
مۇرات باقتيار ۇلى,
سەناتور, الەۋمەتتىك-مادەني دامۋ جانە عىلىم كوميتەتىنىڭ توراعاسى
