ساياباق اۋماعى 11 گەكتاردان اسادى. 3,5 مىڭعا جۋىق اعاش وتىرعىزىلدى. اۋماقتا بالالارعا ارنالعان ويىن الاڭى, سكەيت-الاڭى جانە ت. ب. ورناتىلدى.
نۇر-سۇلتان قالاسىندا 50-گە جۋىق قوعامدىق ورىن اباتتاندىرىلادى. ولاردىڭ قاتارىندا ساياباقتار جانە باسقا دا تازا اۋادا سەرۋەندەۋگە ارنالعان ورىندار بار. اتالمىش ورىنداردىڭ باسىم بولىگى «جۇمىسپەن قامتۋدىڭ جول كارتاسى» باعدارلاماسى اياسىندا اباتتاندىرىلادى. 10 جەردە جۇمىستار باستالدى.
شەتكەرى ايماقتاردى دامىتۋ اياسىندا «كوكتال» ەلدى-مەكەنىندە ساياباق قۇرىلىسى جالعاسىپ جاتىر. ساياباق اۋماعى تىنىش دەمالىس ايماعى, بەلسەندى دەمالىس ايماعى جانە بالالار دەمالىس ايماعى بولىپ 3-كە بولىنەدى. ساياباق اۋماعىندا 8 مىڭ اعاش وتىرعىزۋ جوسپارلانىپ وتىر. سونىمەن بىرگە, 4 ءىرى دەنە شىنىقتىرۋ-ساۋىقتىرۋ كەشەنى سالىنادى.
