رۋحانيات • 13 مامىر، 2020

ۆولونتەرلەردى قولداۋ ورتالىعى اشىلدى

26 رەت كورسەتىلدى

جامبىل وبلىسىندا «Birgemiz: Asyl mura» جالپىۇلتتىق جوباسى اياسىندا ۆولونتەرلەردى قولداۋ ورتالىعى اشىلدى. اتالعان ورىن ايماق ۆولونتەرلەرىن قولداۋمەن قاتار، ولاردىڭ بىلىكتىلىگىن ارتتىرۋعا جاعداي جاساماق.

ۇيىمداستىرۋشىلار ورتالىق تاريحي-مادەني مۇرانى ساقتاۋ، ناسيحاتتاۋ سالاسىندا ۆولونتەرلەرمەن جۇمىس ىستەۋ، ۆولونتەرلەردىڭ باسىن قوسىپ، شەبەرلىك ساعاتتارىن وتكىزۋدى ماقسات ەتەتىنىن ايتتى. ورتالىقتىڭ جۇمىسى حالىق اراسىندا ۆولونتەرلىك قوزعالىستى دامىتۋعا دا كەڭىنەن جول اش­پاق. «جامبىل وبلىسىنىڭ تاري­حي-مادەني مۇرالارىنا قىزىعۋ­شىلىق تانىتاتىن ۆولونتەرلەر ورتالىققا كەلىپ، اقىل-كەڭەسكە جۇگىنە الادى»، دەيدى ۇيىم قىز­مەت­كەرلەرى.

اتالعان ورتالىقتا ۆولونتەرلەرگە ارنالعان سەمينار-ترەنينگتەر، وقۋ كۋرستارى ءجيى وتكىزىلمەك. وندا ايماق جاستارى ءوزىن-ءوزى دامىتۋعا، بىلىكتىلىكتى ارتتىرۋعا مۇمكىندىك الادى. ۆولونتەرلەرمەن جۇمىس ىستەۋدە تاجىريبەسى مول مامان ايجان الەباەۆا ورتالىق باسشىسى بولىپ تاعايىندالدى.

ۇيىمنىڭ جۇمىس باعىت­تا­رى بەلگىلى. باسشىنىڭ سوزى­نە سۇيەن­سەك، ۆولونتەرلەر ارحەولو­گيا­لىق-قازبا جۇمىستارى، رەستا­ۆرا­تسيالىق جۇمىستار، تۋريزم باعى­تىنداعى گيد ۆولونتەرلەر، مادەني نىساندارعا مونيتورينگ جۇرگىزۋ باعىتتارى بويىنشا دايارلانادى.

الداعى ۋاقىتتا ءدال وسىنداي ورتالىقتاردى تۇركىستان، قاراعاندى وبلىستارىندا دا اشۋ جوسپارلانعان. بۇل باستاما «جاس ۇلان» بىرىڭعاي بالالار مەن جاسوسپىرىمدەر ۇيىمى» رقب، اقپارات جانە قوعامدىق دامۋ مينيسترلىگى، «ازاماتتىق باستامالاردى قولداۋ ورتالىعى» كەاق قولداۋىمەن جۇزەگە اسىرىلدى.

 

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار