پرەمەر-مينيستر سەرىك احمەتوۆتىڭ توراعالىعىمەن سەلەكتورلىق رەجىمدە وتكەن كەشەگى ۇكىمەت وتىرىسىندا 2013-2014 جىلعى جىلۋ بەرۋ ماۋسىمىنا دايىندىق ماسەلەلەرى قارالدى. وندا مەملەكەتتىك ورگاندار مەن وبلىس اكىمدەرىنىڭ الداعى ماۋسىمعا دايىندىعى تۋرالى ەسەپتەرى تىڭدالىپ, ءتيىستى شارالار بەلگىلەندى.
پرەمەر-مينيستر سەرىك احمەتوۆتىڭ توراعالىعىمەن سەلەكتورلىق رەجىمدە وتكەن كەشەگى ۇكىمەت وتىرىسىندا 2013-2014 جىلعى جىلۋ بەرۋ ماۋسىمىنا دايىندىق ماسەلەلەرى قارالدى. وندا مەملەكەتتىك ورگاندار مەن وبلىس اكىمدەرىنىڭ الداعى ماۋسىمعا دايىندىعى تۋرالى ەسەپتەرى تىڭدالىپ, ءتيىستى شارالار بەلگىلەندى.
جىلۋ بەرۋ ماۋسىمىنا دايىندىق جۇمىستارى نەگىزىنەن اياقتالىپ قالدى. ءتىپتى سولتۇستىك وڭىرلەردەگى الەۋمەتتىك نىساندارعا جىلۋ بەرۋ باستالىپ تا كەتتى, دەدى س.احمەتوۆ. شارانىڭ ماڭىزدىلىعىنا توقتالا كەلىپ, پرەمەر-مينيستر ءسوز كەزەگىن يندۋستريا جانە جاڭا تەحنولوگيالار ءمينيسترىنىڭ ورىنباسارى ب.جاقساليەۆكە بەردى. مينيستر ورىنباسارىنىڭ سوزىنە قاراعاندا, جىلۋ بەرۋ ماۋسىمىنا دايىندىق جۇمىستارى ۇيىمشىلدىقپەن, جوسپارعا ساي ءجۇرىپ جاتىر. دەگەنمەن, كۇرمەۋى قيىن بىرقاتار ماسەلەلەر دە بار ەكەن. ونىڭ كوبى توزىعى جەتكەن جىلۋ قازاندىقتارى مەن جىلۋ جەلىلەرىنە بايلانىستى كورىنەدى. تاياۋ كۇندەرى جىلۋ بەرۋ ماۋسىمىنا دايىندالۋ ءىسى ناشار بولعان وڭىرلەر بويىنشا ۇكىمەتكە ارنايى ۇسىنىستار ازىرلەنەدى, دەدى ب.جاقساليەۆ. سونداي-اق, بيىلعى جىلى ەنەرگەتيكالىق كاسىپورىندار كۇزگى جانە قىسقى ماۋسىمدىق جۇمىستاردى جۇرگىزۋ ءۇشىن ارنايى تولقۇجات الۋعا اسىقپاسا بولمايدى. ويتكەنى, قۇجات قابىلداۋ قازان ايىنىڭ ءبىرىنشى كۇنى اياقتالادى ەكەن.
الەۋمەتتىك جانە تۇرعىن ءۇي-كوممۋنالدىق شارۋاشىلىق سەكتورىنداعى نىسانداردىڭ قىس ايلارىنا دايىندىق جۇمىستارى جونىندە وڭىرلىك دامۋ ءمينيسترىنىڭ ورىنباسارى س.نوكين بايانداما جاسادى. ونىڭ ايتۋىنشا, وتكەن جىلىتۋ ماۋسىمىنىڭ سوڭىندا كوممۋنالدىق قىزمەتتەر ءۇشىن تۇتىنۋشىلاردىڭ دەبيتورلىق بەرەشەگى 6,6 ملرد. تەڭگەنى قۇراعان. قازىرگى جاعداي بويىنشا دەبيتورلىق بەرەشەك 5,8 ملرد. تەڭگە بولىپ وتىر. قىركۇيەك ايىنىڭ جيىرما كۇنىندە بۇل كورسەتكىش 675 ملن. تەڭگەگە ازايدى. ياعني 10 پايىزعا تومەندەدى. بۇل رەتتە اتاپ ايتاتىنىمىز دەبيتورلىق قارىزدى ءوندىرىپ الۋدا استانا قالاسى – 276 ملن, قوستاناي وبلىسى – 171 ملن, وڭتۇستىك قازاقستان وبلىسى – 86 ملن, اقمولا وبلىسى – 43 ملن. جانە باتىس قازاقستان وبلىسى 34 ملن. تەڭگە جيناپ, بەلسەندى جۇمىس جۇرگىزۋ ناتيجەسىندە قارىز كولەمىن ءبىرشاما تومەندەتكەن, دەدى س.نوكين. جيىن بارىسىندا ۇلگى الاتىن ايماق رەتىندە پاۆلودار وبلىسى عانا اتالدى. بۇل ءوڭىردىڭ كوممۋنالدىق تولەم ءۇشىن ەش قارىزى جوق ەكەن.
جىلۋ بەرۋ ماۋسىمىنا دايىندىق شارالارى بويىنشا مۇناي جانە گاز ءمينيسترى ۇ.قارابالين, توتەنشە جاعدايلار ءمينيسترى ۆ.بوجكو جانە شىعىس قازاقستان وبلىسىنىڭ اكىمى ب.ساپارباەۆ, قوستاناي وبلىسىنىڭ اكىمى ن.ءسادۋاقاسوۆ, اقمولا وبلىسىنىڭ اكىمى ق.ايتمۇحامەتوۆ, جامبىل وبلىسىنىڭ اكىمى ق.بوزىمباەۆ, ماڭعىستاۋ وبلىسىنىڭ اكىمى ا.ايدارباەۆ, وڭتۇستىك قازاقستان وبلىسىنىڭ اكىمى ا.مىرزاحمەتوۆ, استانا قالاسى اكىمىنىڭ ورىنباسارى ۆ.كرىلوۆ ءسوز سويلەدى. ءبارىن مۇقيات تىڭداعان پرەمەر-مينيستر قىس ماۋسىمىنا دايىندىق جۇمىستارى ەلباسى نۇرسۇلتان نازارباەۆتىڭ تىكەلەي باقىلاۋىندا تۇرعانىن ەسكە سالدى. ءسويتىپ, ءتيىستى ورگاندارعا بىرقاتار مىندەتتەر جۇكتەدى. ءاسىرەسە, قاراتاۋ قالاسىنا ايرىقشا كوڭىل ءبولدى.
بيىلعى جىلى قاراتاۋ حالقىنان ەشقانداي شاعىم ءتۇسپەگەنى ءلازىم. وتكەن جىلى قالا تۇرعىندارى كۇتپەگەن تابيعات اپاتىنان قاتتى زارداپ شەكتى. قازىرگى تاڭدا قاراتاۋ قالاسىنىڭ تىنىس-ءتىرشىلىگى ەلباسىنىڭ قاتاڭ باقىلاۋىندا. سوندىقتان دا بۇل ەلدى مەكەندى نازارىڭىزدان تىس قالدىرماڭىز, دەدى س.احمەتوۆ جامبىل وبلىسىنىڭ اكىمىنە.
وتىرىستى قورىتىندىلاعان ۇكىمەت باسشىسى جالپى جىلۋ بەرۋ ماۋسىمىنا دايىندىقتىڭ جامان ەمەستىگىنە توقتالىپ, الايدا, قىستىڭ ەرتە ءتۇسۋى مۇمكىن ەكەنىن ەسكەرتتى. وسىعان وراي, ءوڭىرلەر باسشىلارىنا ەنەرگيا كوزدەرىنىڭ دايىندىعىن قوسىمشا تاعى تەكسەرۋدى تاپسىردى. ەلەكتر جانە جىلۋ قۋاتىن تاسىمالداۋ جەلىلەرىنىڭ, الەۋمەتتىك-مادەني نىساندار مەن تۇرعىن ۇيلەردىڭ جاعدايىنا جانە جىلۋ بەرۋ ماۋسىمىن بەلگىلەنگەن مەرزىمدە ۇيىمداسقان تۇردە باستاۋ بويىنشا ءتيىستى شارالار قابىلداۋدى جۇكتەدى.
وعان قوسا وڭىرلىك دامۋ مينيسترلىگىنە دە تۇرعىن ۇيلەردىڭ جىلۋ بەرۋ ماۋسىمىنا دايارلىعىن قايتا تەكسەرۋ كەرەكتىگىن ايتتى. اپتا سوڭىنا دەيىن 100 پايىز تۇرعىن ۇيلەر مەن الەۋمەتتىك نىساندار بار جەرلەردى ىرىكتەپ وتىرىپ تەكسەرۋدى, وڭىرلەر مەن قالالارداعى جىلۋ بەرۋگە دايىندىق جاعدايىن مۇقيات تەكسەرۋدى تاپسىرامىن, دەدى س.احمەتوۆ.
پرەمەر-مينيستر, سونداي-اق, يندۋستريا جانە جاڭا تەحنولوگيالار, توتەنشە جاعدايلار مينيسترلىكتەرىنە جوندەۋ جۇمىستارىنىڭ بەلگىلە
