تۇركىستان وبلىسىندا زارداپ شەكەن بالالاردى ساۋىقتىرۋ, ولاردىڭ ءبىلىم الۋىنا جاعداي جاساۋ جانە ۇبت-عا دايىندالۋىنا كومەكتەسۋ بويىنشا ءتيىستى جۇمىستار اتقارىلىپ جاتىر. بۇگىن قر ءبىلىم جانە عىلىم مينيسترلىگىنىڭ اپپاراتتىق جينالىسىندا مەملەكەت باسشىسى مىندەتتەگەن تاپسىرمالاردىڭ ورىندالۋ بارىسى پىسىقتالدى.
ماقتاارال اۋدانىندا سۋ تاسقىنىنان زارداپ شەككەن جەڭىس, نۇرلى جول, جاڭا تۇرمىس, ورگەباس, فيردوۋسي ەلدى مەكەندەرىندە مەكتەپ جاسىنداعى 1 820 بالا بار. ولاردىڭ باسىم بولىگى «بالداۋرەن» رەسپۋبليكالىق وقۋ-ساۋىقتىرۋ ورتالىعىنا بارادى. ول ءۇشىن كارانتين كەزىندە جۇمىسىن توقتاتقان ورتالىقتىڭ قىزمەتىن جانداندىرۋ تۋرالى شەشىم قابىلداندى. قالعانى «ەركەجان», «بايشەشەك», «سارىاعاش», «قازىعۇرت» «بالداۋرەن» (جەكەمەنشىك) لاگەرلەرىنە جىبەرىلەدى. سونداي-اق, وڭىردەگى جوعارى وقۋ ورىندارىنىڭ جاتاقحانالارىندا بالالارعا وقۋ ساۋىقتىرۋ جۇمىستارى ۇيىمداستىرىلادى. وندا بالالار ساباق وقىپ, تاماقتانىپ, دەمالادى.
ايتا كەتەيىك, ماقتاارالدىق بالالاردىڭ جاعدايىن ءبىلىم جانە عىلىم مينيسترلىگىنىڭ بالالار قۇقىقتارىن قورعاۋ كوميتەتى مەن وڭىردەگى ءبىلىم باسقارماسى ءجىتى نازاردا ۇستاپ وتىر.
