دەزينفەكتسيالىق جۇمىستار بۇرىنعىداي جۇرگىزىلەدى. اۆتوبۋس جۇرگىزۋشىلەرى بارلىق قاۋىپسىزدىك شارالارىن ساقتايدى: بەتپەردە, قولعاپ كيىپ, انتيسەپتيكتەردى قولدانادى. سول شارالاردى جولاۋشىلار دا ساقتاۋ قاجەت.
ەلوردادا جولاۋشىلاردى جانە جۇكتى اۆتوموبيل كولىگىمەن تاسىمالداۋ ەرەجەسىنە سايكەس, اۆتوبۋستاردا جولاۋشىلاردى وتىرعىزۋ الدىڭعى ەسىك ارقىلى, ال ءتۇسىرۋ قالعان ەكى ەسىك ارقىلى جۇرگىزىلەدى. سونداي-اق جۇرگىزۋشىلەر بيلەت ساتۋدى ۋاقىتشا توقتاتادى. جول ءجۇرۋ ءۇشىن كولىك كارتالارىن جانە جولاقىسىن تولەۋدىڭ بالاما تاسىلدەرىن قولدانۋعا بولادى. ولار SMS, QR-كود جانە ءموبيلدى قوسىمشالار. كارانتين ەنگىزىلگەنگە دەيىن قولما-قول اقشاسىز تولەم ۇلەسى 98% - دى قۇرادى.
بۇگىنگى كۇنى ەلوردا قوعامدىق كولىگىندە SMS جانە QR ارقىلى تولەم جاساۋدىڭ كەلەسى مۇمكىندىكتەرى بار: QR-كود نەمەسە كودتى تەرۋ ارقىلى تولەۋ ءۇشىن: kaspi.kz, Homebank, SMSBUS, راحمەت, AstraBus, My Beeline, SENIM, Plus24, My Activ, OYBY. تەلەفون تەڭگەرىمى ارقىلى SMS-پەن تولەم جاساۋ ءۇشىن (2505 نومىرىنە حابارلاما جىبەرۋ): Activ/Kcell, Beeline, Tele2, Altel ابونەنتتەرى ءۇشىن قولجەتىمدى.
كارانتين كەزىندە ساتىپ الىنعان ايلىق جول ءجۇرۋ تاريفتەرى پايدالانۋشىلاردىڭ كولىك كارتالارىنا قايتا جۇكتەلەدى. وسىلايشا, ءساۋىر ايىنداعى جول ءجۇرۋ مامىر ايىنا اۋىستىرىلادى. ايلىق جول ءجۇرۋ 12 مامىردان 11 ماۋسىمعا دەيىن جارامدى بولادى.
ەسكە سالا كەتەيىك, 28 ناۋرىزدان باستاپ قوسىمشا تاريفتەر ىسكە قوسىلدى. ەلوردا قوعامدىق كولىگىندە 18 جاسقا دەيىنگى بالالار كولىك كارتاسى بار بولعان جاعدايدا تەگىن جۇرە الادى.
