«اعىمداعى جىلعى 10 ساۋىردە وپەك+ مۇناي ءوندىرىسىن كۇنىنە 9,7 ملن باررەلگە قىسقارتۋ تۋرالى كەلىسىمگە كەلدى. باستاپقىدا وپەك+ كەلىسىمى مۇناي قورىنىڭ ۇلعايۋى جانە شيكىزاتقا دەگەن سۇرانىستىڭ بارىنشا قاتتى تومەندەۋىنەن قاۋىپتەنۋ اياسىندا شيكىزات نارىعىنداعى احۋالدى جاقسارتا العان جوق. سونىڭ سالدارىنان Brent ماركالى مۇنايدىڭ باعاسى اعىمداعى جىلعى 22 ساۋىردەگى ساۋدا-ساتتىق بارىسىندا ءبىر باررەل ءۇشىن $15,98 بولعان ەڭ تومەن بەلگىگە دەيىن تومەندەدى. ءساۋىردىڭ سوڭىندا مۇنايعا باعا بەلگىلەۋ تومەندەۋدى قايتارا وتىرىپ, ءبىر باررەل ءۇشىن $25,27 اقش دوللارىنا جەتتى», — دەدى ە. دوساەۆ.
مۇنايعا باعانىڭ جانە الەمدىك سۇرانىستىڭ تومەندەۋى, سونداي-اق توتەنشە جاعداي رەجيمى مەن كارانتيننىڭ ەنگىزىلۋى قازاقستانداعى ەكونوميكالىق بەلسەندىلىك كورسەتكىشتەرىنە اسەر ەتتى. قر ۇەم ستاتيستيكا كوميتەتىنىڭ الدىن-الا باعالاۋى بويىنشا اعىمداعى جىلعى 4 ايدا ەڭ كوپ تومەندەۋدى كولىك جانە ساۋدا سياقتى سەرۆيستىك سالالار كورسەتتى.
وسىنىڭ اياسىندا اعىمداعى جىلعى ءساۋىردىڭ باسىندا ىسكەرلىك بەلسەندىلىكتى قولداۋ جانە ەكونوميكانى كرەديتتەۋ ءۇشىن بارىنشا قولايلى جاعداي جاساۋ ماقساتىندا ۇلتتىق بانك اعىمداعى جىلعى 6 ساۋىردەن باستاپ بازالىق ستاۆكانى +/- 2 پ.ت. دالىزىمەن 9,5%-كە دەيىن تومەندەتتى, ال اعىمداعى جىلعى 27 ساۋىردە بازالىق ستاۆكانى سول دەڭگەيدە ساقتاپ قالدى.
ۇلتتىق بانكتىڭ باعالاۋى بويىنشا, الەمدىك شيكىزات نارىقتارىنداعى احۋالدىڭ وڭ دامۋى جانە سىرتقى جاعدايلاردىڭ جاقسارۋى كەزىندە ينفلياتسيا ءدالىزى اعىمداعى جىلى مۇناي باعاسىنىڭ ءبىر باررەل ءۇشىن $35-40 دەيىن ءوسۋى كەزىندە 6-8% بولۋى مۇمكىن.
ە. دوساەۆتىڭ ايتۋىنشا, ەكونوميكانى قولداۋ شەڭبەرىندە داعدارىسقا قارسى شارالاردى ىسكە اسىرۋ جالعاسۋدا.
1. ەكونوميكانىڭ باسىم سالالارىن جەڭىلدىكپەن كرەديتتەۋ باعدارلاماسى بويىنشا اعىمداعى جىلعى 30 ساۋىردەگى جاعداي بويىنشا بانكتەر جالپى سوماسى 437,9 ملرد تەڭگەگە 650 ءوتىنىم قابىلدادى, 308,6 ملرد تەڭگە سوماسىنا 499 جوبا ماقۇلدادى, 158,3 ملرد تەڭگە سوماسىنا 382 قارىز بەردى.
2. توتەنشە جاعدايدىڭ ەنگىزىلۋىنەن زارداپ شەككەن شوب سۋبەكتىلەرىن جانە جەكە كاسىپكەرلەردى جەڭىلدىكپەن كرەديتتەۋ باعدارلاماسى بويىنشا كاسىپكەرلەر 1 403 ءوتىنىم بەردى, 79,1 ملرد تەڭگە سوماسىنا 397 قارىز بەرىلدى.
3. «7-20-25» باعدارلاماسى بويىنشا اعىمداعى جىلعى 6 مامىردا 200,2 ملرد تەڭگەگە 17 430 ءوتىنىم ماقۇلداندى, ونىڭ 175,2 ملرد تەڭگە سوماسىنا 14 812 قارىز بەرىلدى. «باسپانا حيت» نارىقتىق يپوتەكالىق باعدارلاماسى بويىنشا 187,8 ملرد تەڭگە سوماسىنا 23 144 قارىز بەرىلدى.
«7-20-25» باعدارلاماسىمەن قامتۋ اياسىن كەڭەيتۋ ماقساتىندا قاراعاندى قالاسىندا ساتىپ الىناتىن تۇرعىن ءۇيدىڭ ەڭ جوعارى قۇنىنا ليميت 15 ملن تەڭگەدەن 20 ملن تەڭگەگە دەيىن ۇلعايدى.
