«بۇگىنگى تاڭدا وسى ماماندىقتار بويىنشا ءتورت مىڭعا جۋىق بوس جۇمىس ورنى بار. جۇمىسشى مامانداردىڭ جەتىسپەۋشىلىگى بايقالادى. نەگىزگى سەبەپ – ازاماتتاردىڭ ماماندىقتى دۇرىس تاڭداماۋى. ايتا كەتۋ كەرەك, «ەڭبەك» باعدارلاماسى جاڭا ماماندىقتى يگەرۋگە مۇمكىندىك بەرەدى. مىسالى, جۇمىس بەرۋشىلەر ءوز كادرلارىن قىسقا مەرزىمدى كاسىپتىك وقىتۋ ءۇشىن 34 ماماندىق بويىنشا جىبەرە الادى», – دەپ حابارلادى نۇر-سۇلتان قالاسى اكىمىنىڭ ورىنباسارى باقتيار ماكەن.
جۇمىسپەن قامتۋ ورتالىعىنىڭ مالىمەتىنە سايكەس, بيىلعى ءبىرىنشى توقساندا جۇمىس ىزدەۋگە 2 713 ادام جۇگىندى. ونىڭ ىشىندە جۇمىسسىزدىقتان الەۋمەتتىك قورعاۋ شارالارىمەن 1 865 ادام قامتىلدى.
ء«بىز ءۇشىن تۇرعىنداردىڭ كاسىپكەرلىك باستامالارىن قولداۋ ۇلكەن ماڭىزعا يە. ءبىز بيزنەس ءۇشىن جەڭىلدىكتى شارتتارمەن شاعىن نەسيەلەر بەرەمىز. ميكروكرەديت كولەمى 8-دەن 20 ملن تەڭگەگە دەيىن, مەرزىمى 5 جىلدان 7 جىلعا دەيىن ءوستى. بۇدان باسقا, جاڭا بيزنەس-يدەيالاردى ىسكە اسىرۋعا گرانت بەرىلەدى. بيىل 441 ادامدى قامتۋ جوسپارلانۋدا. وسى ماقساتتا 260,3 ملن تەڭگە ءبولىندى. جىل باسىنان بەرى مەملەكەتتىك گرانت ءبولۋ جونىندەگى كوميسسيا 59 جاڭا بيزنەس-يدەيانى ىسكە اسىرۋدى ماقۇلداپ, 47 گرانت بەرىلدى», – دەدى ب. ماكەن.
ونىڭ ايتۋىنشا, بۇل شارالاردىڭ بارلىعى جاڭا جۇمىس ورىندارىن اشۋعا جانە ازاماتتاردى جۇمىسقا ورنالاستىرۋ ماسەلەسىن شەشۋگە مۇمكىندىك بەرەدى. جالپى ەلوردادا مەملەكەتتىك باعدارلامالار اياسىندا 22 400 ادامدى جۇمىسپەن قامتۋ جوسپارلانعان.
