بىلتىر اۋداندا اۋىل شارۋاشىلىعىنىڭ نەگىزگى كاپيتالىنا ينۆەستيتسيا تارتۋ بويىنشا مىندەت 5 ميلليارد تەڭگە بولسا, بۇل مەجە 15 ميلليارد 843200 تەڭگەگە اسىرا ورىندالدى. وسىلايشا, جىل قورىتىندىسى بويىنشا «وبلىس كولەمىندە ۇزدىك ينۆەستيتسيا تارتۋشى اۋدان» اتانىپ, ارنايى ديپلوممەن ماراپاتتالدى.
جوسپار بار جەردە تياناقتى تىرلىك بار. وسىنى جاقسى تۇسىنگەن بايدىبەكتىكتەر مىندەتتەمەلەرىن ءاردايىم ارتىعىمەن ورىنداپ كەلەدى جانە مۇنى جاقسى ۇردىسكە اينالدىرا بىلگەن. بۇل ورايدا اۋدان اكىمى باقىت تاناكوزوۆتىڭ ۇيىمداستىرۋشىلىق قابىلەتىن, ىسكەرلىگى مەن بىلىكتىلىگىن ايتىپ وتكىمىز كەلەدى. بىلتىر اۋداندا 91,8 مىڭ گەكتار ەگىستىك جەردى يگەرۋ جوسپارلانسا, بۇل كورسەتكىش 93,4 مىڭ گەكتارعا (102 پايىز) جەتتى. 200 گەكتار سۋارمالى جەردىڭ شىعىمىن جاقسارتىپ, اينالىمعا قوسۋ جوسپارى 220 گەكتاردى (110 پايىز) قۇرادى. تامشىلاتىپ سۋارۋ تەحنولوگياسىن ەنگىزۋ بويىنشا جىلدىق تاپسىرما دا 100 پايىزعا ورىندالدى. قارقىندى باۋ شارۋاشىلىعىن دامىتۋ جوسپارى دا مەجەلى بيىكتەن كورىنە ءبىلدى.
وسىنشا اۋقىمدى جۇمىس تەحنيكا كۇشىنسىز اتقارىلمايتىنى بەلگىلى. وسى رەتتە بايدىبەكتىكتەر اۋىلشارۋاشىلىق تەحنيكالارىن جاڭالاۋ بويىنشا تاپسىرمانى 105 پايىزعا كوتەرگەن.
«دامۋ» باعدارلاماسى اياسىندا بىلتىر اۋىلشارۋاشىلىق سالاسىنىڭ جالپى ءونىم كولەمى 21 ميلليارد 947 ميلليون تەڭگە بولىپ, وبلىس بويىنشا ءبىرىنشى ورىندى يەمدەندى. سونىڭ ىشىندە مال شارۋاشىلىعىندا 10 ميلليارد 715 ميلليون 500 مىڭ تەڭگەنىڭ ءونىمى ءوندىرىلدى.
مال باسىن ءوز ءتولى ەسەبىنەن كوبەيتىپ وتىرۋ ۇلكەن مانگە يە. وسى تۇرعىدان العاندا اۋداندا مال باسىن كوبەيتۋ ارتىعىمەن ورىندالىپ وتىر. اتاپ ايتقاندا, جىلقى جوسپارداعى 17780-نەن 20696-عا, تۇيە 239-دان 257-گە, ءىرى قارا 52748-دەن 53809-عا, قوي-ەشكى 489825-تەن 500366-عا جەتتى. شارۋالاردىڭ جەمىستى ەڭبەگى ناتيجەسىندە بىلتىر بايدىبەكتىكتەر 92692 توننا ەت, 288739 توننا ءسۇت ءوندىردى.
«التىن اسىق» باعدارلاماسى بويىنشا اۋدانعا 3310 تۇساق ساتىپ الىنۋى ءتيىس ەدى. مەجە تولىعىمەن يگەرىلدى. «قۇلان» باعدارلاماسى بويىنشا 371 باس جىلقىنىڭ ورنىنا 480 جىلقى ساتىلىپ الىندى. «سىباعا» باعدارلاماسى بويىنشا 5490 ءىرى قارا الىندى.
بىلتىر اۋداندا 14 وتباسىلىق ءسۇت فەرماسى اشىلۋى كەرەك ەدى. قازىر وسىنشا ءسۇت فەرماسى جۇمىس ىستەپ تۇر. سونداي-اق ءبىر بالىق شارۋاشىلىعى ىسكە قوسىلدى.
ەلباسى ن.نازارباەۆ ح دۇنيەجۇزىلىك يسلام ەكونوميكالىق فورۋمىندا «قازاقستان اۋىل شارۋاشىلىعى ماقساتىنداعى, جالپى اۋدانى 90 ميلليون گەكتار جەرگە يە بولا وتىرىپ, ازىق-ت ۇلىك قاۋىپسىزدىگىنىڭ جاھاندىق ورتالىعىنا اينالا الادى» دەگەن بولاتىن. تابيعاتى قاتال, ادۋىندى ارىستاندى-قاراباس جەلىنىڭ وتىندەگى اۋداندا ازىق-ت ۇلىك تاپشىلىعىنان قۇتىلۋ ماقساتىندا وسىنداي جەمىستى جۇمىستار اتقارىلىپ جاتىر. ءيا, ەل ەكونوميكاسىن دامىتۋ جولىندا ەڭبەك ىرعاعىن ساقتاي وتىرىپ, شالعاي اۋداننىڭ ەڭبەكقور حالقى وسىلاي ۇيىمشىلدىقتىڭ ەرەن ۇلگىسىن تانىتىپ كەلەدى. تابىس جولىنداعى باسەكەدە بايدىبەكتىكتەردىڭ ءباسى باسىم.
سابىربەك ولجاباي
تۇركىستان وبلىسى
