ءمينيستردىڭ ايتۋىنشا, ەلىمىزدە «قاراپايىم زاتتار ەكونوميكاسى» باعدارلاماسى جۇزەگە اسىرىلىپ جاتىر.
«بيىل قارجىلاندىرۋ ۇلعايدى, قوسىمشا 400 ملرد تەڭگە بولىنەدى, قاراجات اوك سالاسىندا وندىرۋگە جانە قايتا وڭدەۋگە, وڭدەۋ ونەركاسىبىنە, كورسەتىلەتىن قىزمەتتەرگە باعىتتالادى. بارىنە, وندىرىسكە ۇسىنىلعان 133-تەن اسا قىزمەت تۇرىنە, ازىق-ت ۇلىك ونىمدەرىنەن باستاپ ءدارى-دارمەكتەر مەن جابدىقتارعا دەيىن 300-دەن اسا تۇتىنىلاتىن تاۋارلارعا قولداۋ كورسەتىلەدى», — دەدى ر. دالەنوۆ.
سونىمەن قوسا, نەسيەلەر 10 جىل مەرزىمگە بەرىلەدى, سوماسى جاعىنان شەكتەۋ جوق. سىياقى مولشەرلەمەسى 6% قۇرايدى, ول مەملەكەت تاراپىنان سۋبسيديالانادى.
«ەگەر كەپىلدەر بويىنشا ماسەلەلەر بولسا, ەگەر كەپىل جەتكىلىكتى بولماسا, وندا مەملەكەتتىك كەپىلدەندىرۋدى الۋ قاراستىرىلعان», — دەدى مينيستر.
جالپى, شاعىن جانە ورتا بيزنەستى قوسىمشا قارجىلاندىرۋدىڭ جالپى كولەمى بيىل 1 ترلن تەڭگەنى قۇرادى.
«ونىڭ ىشىندە 600 ملرد تەڭگەسى ۇلتتىق بانك جەلىسى بويىنشا - بۇل اينالىم قاراجاتىن تولىقتىرۋدى جەڭىلدىكپەن قارجىلاندىرۋ باعدارلاماسى, ونىڭ مولشەرلەمەسى مۇندا 8% قۇرايدى, سونداي-اق «قاراپايىم زاتتار ەكونوميكاسى» باعدارلاماسى اياسىندا 400 ملرد تەڭگە, مۇندا مولشەرلەمەسى 6% قۇرايدى, سەبەبى ونى مەملەكەت سۋبسيديالايدى», — دەدى ول.
سونىمەن قاتار قوسىمشا قارجىلاندىرۋ «بيزنەستىڭ جول كارتاسى 2025» اياسىندا سۋبسيديالاۋ ءۇشىن ەكى ەسەلەندى, بۇل جەڭىلدىكپەن قارجىلاندىرۋ قورجىنىن ۇلعايتۋعا مۇمكىندىك بەرەدى.
بۇدان باسقا, مەملەكەت باسشىسىنىڭ تاپسىرماسىمەن جاڭا باعىت - كاسىپكەرلەردىڭ باسىم بولىگىنە - شاعىن جانە ميكرو بيزنەسكە جەڭىلدىكپەن نەسيەلەندىرۋدى ۇسىنۋ ازىرلەنۋدە.
«سونىمەن قاتار, «نۇرلى جەر», «نۇرلى جول», وڭىرلەردى دامىتۋ باعدارلاماسى, جۇمىسپەن قامتۋدىڭ جول كارتاسى اياسىندا ينفراقۇرىلىمدىق جوبالار ىسكە اسىرىلۋدا. مەملەكەتتىك ساتىپ الۋلاردا قازاقستاندىق قامتۋ شارالارى قابىلداندى - مۇنىڭ بارلىعى شاعىن جانە ورتا بيزنەس سۋبەكتىلەرىنە تىكەلەي جانە جاناما قولداۋ كورسەتەدى», — دەپ قوستى ر. دالەنوۆ.
