«پرەزيدەنت قاسىم-جومارت كەمەل ۇلى توقاەۆ «مىنا قيىن كەزەڭ وتىسىمەن ءبىز دەنساۋلىق ساقتاۋ جۇيەسىنە قاتىستى بارلىق ماسەلەلەردى قايتا قاراپ, وزەكتىلىگىن انىقتاپ, الدا كەزدەسەتىن قانداي دا جاعدايلارعا دايىن بولۋىن قامتاماسىز ەتۋىمىز كەرەك» دەگەن مىندەت قويدى. وسىعان وراي, ۇكىمەت جانىنان, بەدەلدى عالىمدار مەن ەكسپەرتتەردەن قۇرىلعان بيولوگيالىق قاۋىپسىزدىك جونىندە عىلىمي كەڭەس قۇرىلادى», دەدى ە. توعجانوۆ.
سونىمەن قاتار ۆيتسە-پرەمەر ەندىگى كەزەكتە ەكونوميكالىق بەلسەندىلىكتى كەزەڭ-كەزەڭىمەن رەتكە كەلتىرىپ, ازاماتتار ءۇشىن قالىپتى تىرشىلىك جاعدايلارىن جاساۋ مىندەتى تۇرعانىن اتاپ ءوتتى.
«كارانتيندىك شەكتەۋلەر ءاربىر ادام ءۇشىن قۇندىلىقتاردى قايتا باعالاپ, ءوزى مەن ءوز ورتاسىنا جاۋاپكەرشىلىگىن ارتتىردى. كۇندەلىكتى ومىرىمىزدە گيگيەنالىق, سانيتارلىق تالاپتاردى ساقتاۋ, قاۋىپسىزدىك شارالارىن ورىنداۋ قالىپتى جاعدايعا اينالىپ وتىر. كوروناۆيرۋس ينفەكتسياسىنىڭ تاراتىلۋ قاۋپى تۇراقتالىپ كەلە جاتقانىنا قاراماستان, ءالى دە كارانتيندىك شارالاردىڭ ساقتالۋى اسا ماڭىزدى», دەدى پرەمەر-ءمينيستردىڭ ورىنباسارى.
