«كوروناۆيرۋس پاندەمياسى الەمدىك رەتسەسسيانىڭ باستالۋىنا سەبەپ بولدى. ءتىپتى ۇزاققا سوزىلاتىن ەكونوميكالىق داعدارىسقا دا الىپ كەلۋى ابدەن مۇمكىن. جەر-جەردە پروتەكتسيونيزمنىڭ كۇشەيۋى بەلەڭ الۋدا. ەكونوميكانىڭ تۇتاس سالالارى توقىراۋعا ۇشىراپ جاتىر. 400 ميلليوننان استام كاسىپورىن بانكروت بولۋدىڭ الدىندا تۇر. الەمدەگى ەڭبەككە جارامدى حالىقتىڭ جارتىسىنا جۋىعىنىڭ تابىسى ازايدى. ساراپشىلار جاھان ەكونوميكاسى سوڭعى ءجۇز جىل ىشىندە بولماعان دەڭگەيگە تۇسەتىنىن بولجاپ وتىر»,- دەدى پرەزيدەنت.
ول بۇل جاعدايعا قاراماستان, ەلىمىز بىرقاتار باسىمدىققا يە بولىپ وتىرعانىن اتاپ ءوتتى.
«بىزدە قارجى رەزەرۆى جەتكىلىكتى جانە مەملەكەت قارىزىنىڭ كولەمى مۇمكىندىگىمىزگە ورايلاس. ەڭ باستىسى, ءبىز جاڭا احۋال جاعدايىندا جۇمىسپەن قامتاماسىز ەتۋ جانە ەكونوميكالىق تيىمدىلىكتى ارتتىرۋ ءۇشىن رەسۋرستاردى قايدا جۇمساۋ كەرەكتىگىن بىلەمىز. ەندى داعدارىس كەزىندەگى جانە ودان كەيىنگى دامۋدىڭ باسىمدىقتارىنا توقتالىپ وتەيىن. ەڭ باستىسى, بارشا ازاماتتاردىڭ ءومىرى مەن دەنساۋلىعىن ساقتاۋ. ازاماتتاردىڭ تابىسىن ارتتىرۋ. بيزنەستى قولداۋ جانە ونى دامىتۋ. ءبىلىم جانە عىلىم جۇيەسىن جەتىلدىرۋ. جۋىق ارادا ەڭ وزەكتى دەگەن مىناداي ماسەلەلەردى شەشۋىمىز كەرەك»,- دەدى قاسىم-جومارت توقاەۆ.
