وسىعان دەيىن اگەنتتىك ەسەپتىك تىركەۋدەن ءوتۋ ءۇشىن قۇجاتتاردى تاپسىرۋ مەرزىمىن ءىرى قالالار ءۇشىن – 2020 جىلعى 1 مامىردان كەشىكتىرمەي جانە باسقا وڭىرلەر ءۇشىن 2020 جىلعى 1 ماۋسىمنان كەشىكتىرمەي بەلگىلەگەن بولاتىن.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارجى نارىعىن رەتتەۋ مەن دامىتۋ, ميكروقارجىلىق قىزمەت جنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2019 جىلعى 4 شىلدەدەگى قازاقستان رەسپۋبليكاسىنىڭ زاڭىنا سايكەس 2020 جىلعى 1 قاڭتاردان باستاپ ازاماتتارعا قارىزدار بەرەتىن بارلىق كرەديتتەۋ سۋبەكتىلەرىنىڭ قىزمەتىن رەتتەۋ ەنگىزىلدى. 2020 جىلعى 1 شىلدەگە دەيىن بارلىق كورسەتىلگەن سۋبەكتىلەر, ونىڭ ىشىندە لومباردتار, كرەديتتىك سەرىكتەستىكتەر جانە ونلاين-كرەديتتەۋ كومپانيالارى ميكروقارجىلىق قىزمەتتى جۇزەگە اسىراتىن ۇيىمدار رەتىندە اگەنتتىكتە ەسەپتىك تىركەۋدەن وتۋگە ءتيىس.
اگەنتتىك باسقارماسىنىڭ قاۋلىسىمەن لومباردتار ءۇشىن جارعىلىق جانە مەنشىكتى كاپيتالدارعا قويىلاتىن جاڭا تالاپتاردى بەلگىلەۋ مەرزىمدەرى اۋىستىرىلدى.
زاڭدى تۇلعالار رەتىندە 2020 جىلعى 1 قاڭتارعا دەيىن تىركەلگەن, نۇر-سۇلتان, الماتى, شىمكەنت قالالارىندا نەمەسە وبلىس ورتالىقتارىندا ءوز قىزمەتىن جۇزەگە اسىراتىن لومباردتار ءۇشىن, جارعىلىق جانە مەنشىكتى كاپيتالداردىڭ ەڭ تومەنگى مولشەرى 10 000 000 (ون ميلليون) تەڭگەنى, وزگە وڭىرلەردە 5 000 000 (بەس ميلليون) تەڭگەنى قۇرايدى.
زاڭدى تۇلعالار رەتىندە 2020 جىلعى 1 قاڭتاردان كەيىن تىركەلگەن, نۇر-سۇلتان, الماتى, شىمكەنت قالالارىندا نەمەسە وبلىس ورتالىقتارىندا ءوز قىزمەتىن جۇزەگە اسىراتىن لومباردتار ءۇشىن, جارعىلىق جانە مەنشىكتى كاپيتالداردىڭ ەڭ تومەنگى مولشەرى 70 000 000 (جەتپىس ميلليون) تەڭگەنى, وزگە وڭىرلەردە 30 000 000 (وتىز ميلليون) تەڭگەنى قۇرايدى. قاۋلىنىڭ تولىق ءماتىنى جانە قاۋلىعا قوسىمشا قر قارجى نارىعىن رەتتەۋ جانە دامىتۋ اگەنتتىگىنىڭ finreg.kz رەسمي سايتىندا, «اگەنتتىكتىڭ نقا» دەگەن بولىمدە ورنالاستىرىلدى.
