سۋ سورۋ ءۇشىن «قازسۋشار» رەسپۋبليكالىق مەملەكەتتىك كاسىپورنىنىڭ تەحنيكالارى جۇمىلدىرىلعان. تۇركىستان وبلىسى تجد مەن قازاقستاننىڭ وزگە ايماقتارىنان دا ءموبيلدى توپتار تارتىلدى.
قازىرگى تاڭدا اتالعان اۋىلداردا قىزۋ جۇمىس ءجۇرىپ, ناتيجەسىندە سۋ دەڭگەيى ورتا ەسەپپەن 175 سم-گە ازايدى.
ماقتاارال اۋدانىنىڭ ەلدى مەكەندەرىن قۇرعاتۋ جۇمىستارى قازاقستان ءىىم, "قازسۋشار" رمك جانە وزبەكستان تجم قىزمەتكەرلەرى مەن ارنايى تەحنيكالارىمەن جۇرگىزىلىپ جاتىر.
بۇدان بولەك, جەتىساي اۋدانى, قوعالى اۋىلىنىڭ جانىنداعى اۆتوموبيل جولىنىڭ بويىندا نىعايتۋ جۇمىستارى جۇرگىزىلدى.
نۇرلىجول, فيردوۋسي, ورگەباس, ىرىستى, جانتاقساي ەلدى مەكەندەرىنىڭ اۋماعىندا 85982 قاپ توسەلىپ, ۇزىندىعى 22 شق. قۇرايتىن قۇم سالىنعان ۋاقىتشا بوگەتتەر سالىندى. 80 بىرلىك تەحنيكا جۇمىلدىرىلدى. 3 كوللەكتور سالىندى.
اۆاريالىق-قۇتقارۋ جۇمىستارىنا بارلىعى 1635 ادام, 297 بىرلىك تەحنيكا, 17 قايىق, 217 موتوپومپا جۇمىلدىرىلدى.
