سەۋل بيلىگى سوڭعى ۋاقىتتاردا كوروناۆيرۋستى جۇقتىرعاندار سانىنىڭ ەداۋىر ارتۋىنا بايلانىستى بارلىق كوڭىل كوتەرۋ ورىندارىنىڭ جۇمىسىن شۇعىل توقتاتۋ تۋرالى شەشىم قابىلدادى.
24 ساعات ىشىندە يتحەۆون اۋدانىندا كوروناۆيرۋستى جۇقتىرعان 18 ادام انىقتالدى. سونىمەن قاتار 17 ادامنىڭ ءبارى ءبىر ادامنان جۇقتىرعانى بەلگىلى بولدى.
ۆيرۋستى جۇقتىرعان اداممەن ءبىر جارىم مىڭ ادامعا دەيىن بايلانىستا بولۋى مۇمكىن دەپ بولجانۋدا. قالا مەرى مامىر ايىنىڭ باسىندا يتحەۆونداعى كلۋبتارعا بارعانداردىڭ بارلىعىن كوروناۆيرۋسقا تەست تاپسىرىپ, ۇيدەن شىقپاۋعا شاقىردى. وڭتۇستىك كورەيادا ۆيرۋستى جۇقتىرعاندار سانى 11 مىڭعا جاقىنداپ قالدى.
