ء«زىلزالانىڭ وشاعى الماتى قالاسىنىڭ وڭتۇستىگىنە قاراي 291 كم قاشىقتىقتا قىتاي اۋماعىندا بولعان. ءزىلزالانىڭ ەنەرگەتيكالىق قۋاتى 12.8. ماگنيتۋداسى MPV 4.9. تەرەڭدىگى 5 كم. الماتىدا سەزىلۋ دەڭگەيى 2-3 بالل بولدى»,-دەپ حابارلادى توتەنشە جاعدايلار دەپارتامەنتى.
پوليتسيا دەپارتامەنتىنىڭ جەدەل ارەكەت ەتۋ ورتالىعىنىڭ مالىمەتتەرىنشە, پوليتسيا قىزمەتكەرلەرى وزدەرىنە بەرىلگەن بولىكتەردى پاترۋلدەۋ بارىسىندا ەشقانداي كۇدىكتى ارەكەتتەردى بايقاماعان. تۇرعىنداردان «112» جانە «101» نومىرلەرىنە ەشكىم قوڭىراۋ شالماعان. «قازسەلدەنقورعاۋ» قىزمەتكەرلەرىنىڭ حابارلاۋىنشا, گيروتەحنيكالىق قۇرىلعىلادان بۇزىلۋ, شوگۋ, جارىلۋ سياقتى وزگە دە توتەنشە جاعدايلار بايقالماعان. وزەن ساعالارىندا سۋدىڭ لايلانۋ دەڭگەيى دە قالىپتى دەڭگەيدە ءوتىپ جاتىر.
