«قىمباتتى شىمكەنتتىكتەر! قۇرمەتتى ۇلى وتان سوعىسىنىڭ ارداگەرلەرى مەن تىل ارداگەرلەرى!
بارشاڭىزدى قاتار كەلگەن قوس ايبىندى مەرەكە – 7 مامىر وتان قورعاۋشىلار كۇنىمەن جانە ۇلى جەڭىستىڭ 75 جىلدىق مەرەيلى مەرەكەسىمەن شىن جۇرەكتەن قۇتتىقتايمىز! بۇل ەكى مەرەكە دە وتانشىلدىق پەن ءپاتريوتيزمنىڭ, ەرلىك پەن ەلدىكتىڭ, قاھارماندىق پەن بىرلىكتىڭ ءبىرتۇتاس ۇعىمىنا اينالعان ايتۋلى دا ايدارلى مەيرام.
بيىل ۇلى وتان سوعىسىنداعى ۇلى جەڭىسكە 75 جىل تولىپ وتىر. تاريحتىڭ بەتىنەن وشپەستەي ورىن العان بۇل جەڭىس ءبىزدىڭ اتالارىمىزدىڭ, اكەلەرىمىزدىڭ, اعالارىمىز بەن اپكەلەرىمىزدىڭ جانىمەن, قانىمەن, ەرلىك رۋحىمەن كەلگەن ەڭ قاستەرلى, ەڭ قىمبات قۇندىلىق. ويتكەنى فاشيستىك گەرمانياعا قارسى ەكىنشى دۇنيەجۇزىلىك سۇراپىل سوعىس قاسىرەت اكەلمەگەن, قايعى شەكتىرمەگەن ءبىر دە ءبىر شاڭىراق جوق. قانشاما بوزداقتى جەر جاستاندىرعان, قانشاما وشاقتىڭ وتىن سوندىرگەن قان كەشۋ مايداندا وتان ءۇشىن, ءبىزدىڭ جارقىن, بەيبىت بولاشاعىمىز ءۇشىن مايدانگەر اتا-اكەلەرىمىز ارىن – بايراق, نامىسىن – نايزا ەتىپ, قاھارماندىق پەن جانقيارلىقتىڭ وشپەس ۇلگىسىن كورسەتتى. ولار جاۋعا قارسى وق بولىپ اتىلدى, وت بولىپ جاندى. جەڭىستى جاقىنداتىپ, قانشاما جاۋىنگەر مايدان دالاسىندا مەرت بولدى.
ال الاپات سوعىستان ەلگە امان ورالعان ارداگەرلەر بەيبىت ومىردە دە وسكەلەڭ ۇرپاققا ەرلىك پەن ەڭبەكتىڭ ونەگەلى ءورىسىن تانىتىپ, ادال قىزمەت ەتتى. سول ارداقتى ارداگەرلەرىمىزدىڭ قاتارى بۇگىندە سيرەدى. بىراق ولارعا دەگەن قۇرمەت پەن تاعزىم ەشقاشان الاسارماق ەمەس. بۇل ەرلىك, بۇل جەڭىس تاريحتىڭ التىن ارىپپەن جازىلعان پاراعى بولىپ قالا بەرەدى. بۇگىنگى ۇرپاق اعا بۋىن ارداگەرلەر تانىتقان قايسارلىق پەن قاھارماندىقتى, ەر جۇرەكتىلىك پەن ەلدى سۇيە ءبىلۋدى ۇلگى ەتىپ, بويلارىنا سىڭىرەدى.
قادىرلى مايدانگەر ارداگەرلەر, قۇرمەتتى تىل ارداگەرلەرى!
ۇلى جەڭىس كۇنى قۇتتى بولسىن! ءبىز سىزدەردىڭ الدارىڭىزدا جانكەشتى ەرلىكتەرىڭىز بەن قاجىرلى ەڭبەكتەرىڭىز ءۇشىن باسىمىزدى ءيىپ, تاعزىم ەتەمىز. ويتكەنى بۇگىنگى جەتكەن تاۋەلسىزدىگىمىز بەن شىققان تۇعىرىمىز وسى سىزدەر اكەلگەن جەڭىستىڭ جەمىسى.
ەلىمىز تىنىش, اسپانىمىز اشىق, جۇرتىمىز امان بولسىن! تاۋەلسىز ەلىمىزدىڭ كوكبايراعى بيىكتەي بەرسىن!», - دەدى شىمكەنت قالاسىنىڭ اكىمى مۇرات ايتەنوۆ.
