مەملەكەتتەر باسشىلارى ءبىرىن-ءبىرى ۇلى وتان سوعىسىنداعى جەڭىستىڭ 75 جىلدىعىمەن قۇتتىقتادى.
قازاقستان پرەزيدەنتى اتالعان داتانىڭ فاشيزمگە قارسى يىق تىرەسىپ سوعىسقان بۇرىنعى كەڭەس وداعىنىڭ بارلىق حالقى ءۇشىن اسا ماڭىزدى ەكەنىن اتاپ ءوتىپ, ەكى ەلدىڭ ارداگەرلەرىنە مىقتى دەنساۋلىق, ۇزاق عۇمىر تىلەدى. رەسەي پرەزيدەنتى قازاقستان حالقىنا باق-بەرەكە تىلەپ, جۇرەكجاردى سالەمىن جولدادى. تاراپتار كوروناۆيرۋس پاندەمياسىنا قارسى كۇرەس ماسەلەسىن تالقىلاۋ كەزىندە ەكى ەلدىڭ وسى باعىتتا تىعىز ىقپالداستىق ورناتقانىن ايتتى. ۆلاديمير پۋتين قازاقستان ۇكىمەتىنىڭ ىندەتكە قارسى كۇرەس جونىندەگى شەشىمدەرى مەن ءىس-قيمىلدارىن رەسەي تاراپى مۇقيات باقىلاپ وتىرعانىن جەتكىزدى. وسى رەتتە رەسەي پرەزيدەنتى ەلىمىزدە جۇرگىزىلىپ جاتقان حالىققا, شاعىن جانە ورتا بيزنەسكە قولداۋ كورسەتۋ شارالارىن جوعارى باعالاپ, بارلىق ءىس-ارەكەتتىڭ دەر كەزىندە قابىلدانىپ, ءتيىمدى جۇزەگە اسقانىن اتاپ ءوتتى.
اڭگىمە سوڭىندا قاسىم-جومارت توقاەۆ پەن ۆلاديمير پۋتين جوعارى ەۋرازيالىق ەكونوميكالىق كەڭەستىڭ الداعى ۋاقىتتا وتەتىن وتىرىسىنا دايىندىق ماسەلەلەرىن تالقىلادى.
