وعان قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار شاكىروۆ قاتىسىپ, سەنات توراعاسى ماۋلەن اشىمباەۆتىڭ جانە پارلامەنت دەپۋتاتتارىنىڭ اتىنان كەزدەسۋگە قاتىسۋشىلاردى وسىناۋ اسا ماڭىزدى مەرەكەمەن قۇتتىقتادى.
سەنات توراعاسىنىڭ ورىنباسارى ەلىمىزدىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازارباەۆ باستاعان قازاقستان تاۋەلسىزدىك جىلدارىندا دوستىق پەن ىنتىماقتاستىقتى, تاتۋ كورشىلىك پەن ىقپالداستىقتى نىعايتۋ جولىندا كەلە جاتقانىن اتاپ ءوتتى. بۇگىن ءبىز جەڭىس مەرەكەسىن دوستارىمىزبەن جانە باۋىرلارىمىزبەن قۋانا قارسى الۋدامىز.
ء«اربىر قازاقستاندىق وتباسى سوعىس اۋىرتپالىعىن باستان كەشتى. رەسپۋبليكاداعى 6 ميلليون 200 مىڭ ادامنىڭ 1 ميلليون 200 مىڭى كەڭەس اسكەرىنىڭ جاۋىنگەرلىك تۋى استىندا شايقاستى, 700 مىڭعا جۋىق ەڭبەكشىلەر جۇمىس كولوننالارى ساپىندا ەڭبەك ەتتى. وسىلايشا, سوعىس كۇندەرى رەسپۋبليكا حالقىنىڭ تورتتەن بىرىنەن استامى اسكەر مەن ەڭبەك ارمياسى قاتارىنا قوسىلدى.
سوعىستىڭ العاشقى ساعاتتارىندا قازاقستان اۋماعىندا اسكەر بولىمدەرى مەن بولىمشەلەر قۇرىلا باستادى, ولار جانقيارلىقپەن جاۋمەن شايقاستى, ەرلىك كورسەتتى. ولاردىڭ ىشىندە قازاق حالقىنىڭ داڭقتى ۇلى باۋىرجان مومىش ۇلى ايقاسقان 8-ءشى گۆارديالىق پانفيلوۆ ديۆيزياسى دا بولدى. وتان استاناسى – ماسكەۋدى قورعاعان باتىرلار حالىق جادىندا ماڭگى قالدى», - دەپ اتاپ ءوتتى ا.شاكىروۆ.
سونداي-اق ۇلى وتان سوعىسىنداعى ەرلىگى ءۇشىن 500-دەن استام قازاقستاندىق كەڭەس وداعىنىڭ باتىرى اتاعىنا يە بولعانى اتالىپ ءوتىلدى. وسى جوعارى اتاققا شىعىس ايەلدەرىنىڭ اراسىندا قازاق قىزى مانشۇك مامەتوۆا مەن ءاليا مولداعۇلوۆا يە بولدى.
توراعا ورىنباسارى مەملەكەت باسشىسى قاسىم-جومارت توقاەۆ بارشا قازاقستاندىقتاردىڭ پىكىرىن بىلدىرە كەلىپ, «تاريحتى بۇرمالاۋعا جانە جەڭىسكە جەتۋدەگى كەڭەس وداعىنىڭ نەگىزگى ءرولىن جوققا شىعارۋعا بولمايدى – بۇل تاريحي اقيقاتقا قارسى شىعۋ دەگەندى بىلدىرەدى» دەگەن بولاتىن», - دەپ اتاپ ءوتتى ا.شاكىروۆ.
