ماقتاارال اۋدانىنىڭ تۇرعىندارى ءۇشىن 40 توننا تاۋار جينالدى. ونىڭ ىشىندە 20 توننا ءبىرىنشى قاجەتتىلىكتەگى ازىق-ت ۇلىك: ۇن, كۇنباعىس مايى, قانت, كۇرىش, ماكارون, سونداي-اق گيگيەنا قۇرالدارى: ۇنتاقتار, سابىن, شامپۋن.
«سونىمەن قاتار, ءبىز ماقتاارال اۋدانىنا سەكۋندىنا 300 ليتر سۋ سوراتىن ارنايى سورعى ستانتسياسىن جىبەرەمىز. قۇرىلعى ءبىر ساعاتتا 1300 تەكشە مەتر سۋ تارتادى. بۇل قالالىق توتەنشە جاعدايلار دەپارتامەنتىمەن بىرلەسكەن جۇمىس», – دەدى قالا اكىمدىگىنىڭ وكىلى نۇرلان سىدىقوۆ.
كومەك قاتارىندا قۇرىلىسقا قاجەتتى قۇرال-سايماندار, بارلىق توسەك جابدىقتارى بار جۇزدەن استام كەرەۋەت, ىدىس-اياق, سۋدى سورۋعا ارنالعان جەتى سورعى بار.
ء«بىز بۇل كومەك ەلوردادان ماقتاارال اۋدانىندا بولعان توتەنشە جاعدايدى ەڭسەرۋگە كومەكتەسەتىنىنە سەنىمدىمىز», – دەدى ن.سىدىقوۆ.
بۇعان دەيىن حابارلانعانداي, Nur Otan پارتياسىنىڭ ورتالىق اپپاراتى ەلوردادان تۇركىستان وبلىسىنا 40 توننادان استام گۋمانيتارلىق كومەك, ونىڭ ىشىندە ازىق-ت ۇلىك جانە جەكە گيگيەنا ونىمدەرىن جىبەرگەن بولاتىن.
سونىمەن قاتار جۇزدەن استام ەلوردالىق ەرىكتى سۋ تاسقىنىنان زارداپ شەككەن تۇركىستان وبلىسىنا كومەك كورسەتۋگە اتتاندى.
