«وكىنىشكە قاراي, ساردوباداعى اپات سالدارىنان قازاقستان رەسپۋبليكاسى تۇركىستان وبلىسىنىڭ ماقتاارال اۋدانىنداعى كەيبىر ەلدى مەكەندەر سۋ استىندا قالدى. ءبىز قازاقستان پرەزيدەنتى قاسىم-جومارت توقاەۆپەن تەلەفون ارقىلى سويلەسۋ بارىسىندا بۇل ماسەلەنى اشىقتىق پەن ءوزارا تۇسىنىستىك رۋحىندا تالقىلادىق. كەشە تۇركىستان وبلىسىنىڭ اكىمى ومىرزاق شوكەەۆ باستاعان دەلەگاتسيا وقيعا ورنىنا بارىپ, جاعدايدى ەگجەي-تەگجەيلى زەرتتەدى», دەپ بەينەسەلەكتورلىق كەڭەس بارىسىندا شاۆكات ميرزيەەۆ مالىمدەدى.
وزبەكستان پرەزيدەنتى تەحنوگەندىك اپاتتىڭ زيانى كورشىلەس ەلگە دە زاردابىن تيگىزگەنىنە وكىنىشتى ەكەنىن جەتكىزدى.
ء«بىز باۋىرلاس قازاق حالقىمەن ءبىر وزەننەن سۋ ىشكەن ەدىك, ءبىز تۋىس سياقتى جاقىنبىز. ءبىز ارقاشان ءبىر-ءبىرىمىزدى جارقىن ساتتەر مەن سىناق كەزەڭدەرىندە دە قولدايمىز. بۇل كۇتپەگەن تەحنوگەندىك اپاتتىڭ ءبىزدىڭ حالىققا عانا ەمەس, كورشى باۋىرلاس ەلدەگى ەلدى مەكەندەرگە دە زيان كەلتىرگەنىنە وكىنەمىز», - دەپ اتاپ ءوتتى ش. ميرزيەەۆ.
سونداي-اق ەل پرەزيدەنتى اپات سالدارىن جويۋ ءۇشىن كومەكتەسەتىنىن ايتتى.
ء«بىز قازاقستاندىق باۋىرلارىمىزعا تابيعي اپاتتىڭ سالدارىن جويۋعا قاجەتتى كومەك بەرۋگە دايىن ەكەنىمىزدى بىلدىردىك. بۇكىل حالىقپەن بىرگە وسى قيىندىقتاردى دا بىرلەسە ەڭسەرەمىز دەگەن سەنىمدەمىن», - دەپ تۇيىندەدى وزبەكستان پرەزيدەنتى.
