كەيىنگى انىقتالعان 3 ادام ىلە اۋدانىنىڭ تۇرعىندارى ەكەن. ولار قاسكەلەڭدەگى اۋرۋحاناعا جاتقىزىلدى.
ال جەتىسۋداعى ىندەتتەن وڭالعاندار ۇلەسى 39 ناۋقاستى قۇرادى. بۇگىنگى مالىمەت بويىنشا وبلىستا كوروناۆيرۋس ينفەكتسياسىنان 9 ادام ەمدەلىپ شىقتى. ونىڭ ىشىندە 2 مەن 10 جاس ارالىعىنداعى 5 بالا بار.
ىندەتتەن وڭالعانداردىڭ بارلىعى كەربۇلاق اۋدانىنىڭ تۇرعىندارى ەكەن. ۇيىنە بارۋعا رۇحسات العانداردىڭ قاتارىندا 34 جاستاعى جۇكتى ايەل بار. ول ءۇش بالاسىمەن بىرگە ەسىك قالاسىندا ەم العان.
-34 جاستاعى جۇكتى ايەل اۋرۋحاناعا پنەۆمونيا دياگنوزىمەن تۇسكەن ەدى. جاعدايى ورتاشا اۋىرلىقتا بولدى. دارىگەرلەر جۇكتى ايەلدى قاتاڭ باقىلاۋدا ۇستادى. ال ايەلدىڭ ءۇش بالاسىنان كوروناۆيرۋس ەكى كۇننەن كەيىن انىقتالدى. بالالارعا بەلگىلى الگوريتم بويىنشا ەم جۇرگىزىلدى. ەڭبەكشىقازاق اۋدانىنان تىركەلگەن ەكى بالا دا ءبىر وتباسى مۇشەسى. قازىرگى ۋاقىتتا بارلىعىنىڭ دەنساۋلىقتارى جاقسى. الاڭداۋعا ەش نەگىز جوق, - دەيدى ەڭبەكشىقازاق اۋداندىق اۋرۋحاناسىنىڭ باس دارىگەرى ءجاميلا ابەۋوۆا.
الماتى وبلىسى
