بۇل رەتتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جورابەك باۋبەكوۆ تاۋارلاردى ىسكە اسىرۋ تەتىگى پىسىقتالىپ, ولاردى ۇلەستىرۋ بويىنشا ادامداردىڭ ساناتتارى انىقتالعانىن ايتتى. «ەڭ الدىمەن, الەۋمەتتىك مەكەمەلەر – بالالار ۇيلەرى, قارتتار ۇيلەرى, پسيحونەۆرولوگيالىق جانە وزگە دە اۋرۋلارمەن اۋىراتىندارعا ارنالعان ينتەرنات ۇيلەرىندەگى قىزمەت الۋشىلار ىرىكتەلدى. سونىمەن قاتار, بۇل تىزىمگە وبلىستاعى از قامتىلعان ازاماتتار مەن اتاۋلى الەۋمەتتىك كومەك الۋشىلار, سونداي-اق, ومىرلىك قيىن جاعدايعا تاپ بولعان ءوڭىر تۇرعىندارى دا ەنگىزىلگەن», دەيدى جورابەك باۋبەكوۆ.
تاراز قالاسى مەن اۋدانداردا دا بۇل كومەككە مۇقتاج جانداردىڭ ءتىزىمى ازىرلەنگەن. ءتيىستى ازاماتتارعا تاۋارلاردىڭ دۇرىس ءبولىنۋىن باقىلاۋ تىكەلەي جەرگىلىكتى اكىمدەرگە جۇكتەلگەن. سونداي-اق, جورابەك باۋبەكوۆ تاركىلەنگەن تاۋارلاردى تاراتۋ اكتسياسىنا وبلىستىق جاستار ساياساتى ماسەلەلەرى باسقارماسىنىڭ دا تارتىلاتىنىن اتاپ ءوتتى. نەگىزىنەن باسقارما بۇل تاۋارلاردى تاراز قالاسى مەن اۋدانداردا جۇمىس ىستەيتىن الەۋمەتتىك دۇكەندەر ارقىلى تاراتۋعا نيەتتى. جاستار ساياساتى ماسەلەلەرى باسقارماسى قازىردىڭ وزىندە 109 مىڭ دانا تاۋارعا ءوتىنىم بەرگەن. سونىمەن قاتار, تاركىلەنگەن تاۋارلاردىڭ ءبىر بولىگى, ياعني 10 مىڭ دانا جاڭا تاۋار ازىق-ت ۇلىكتەرمەن بىرگە سۋ تاسقىنىنان زارداپ شەككەن كورشىلەس تۇركىستان وبلىسىنا جىبەرىلگەن.
جامبىل وبلىسى
