قازاقستاننىڭ باس ءمۇفتيى رامازان ايىنىڭ قارساڭىندا ەلىمىزدە جاريالانعان توتەنشە جاعداي تالاپتارى ەسكەرىلىپ, قاۋىپسىزدىكتى ساقتاۋ ءۇشىن اۋىزاشار بەرۋدىڭ ورنىنا ورازا ۇستاعان جاندارعا تاماق تاراتىپ, الەۋمەتتىك جاعدايى تومەن وتباسىلارعا ازىق-ت ۇلىك ۇلەستىرۋگە, ولارعا قارجىلاي قولداۋ كورسەتۋگە شاقىرعان بولاتىن.
بۇعان دەيىن بىرنەشە رەت قايىرىمدىلىق شارالاردى ۇيىمداستىرىپ, يگى ىستەردىڭ باسى-قاسىندا جۇرەتىن بايكەن اشىرباەۆ توتەنشە جاعداي كەزىندە از قامتىلعان جانۇيالارعا جاردەم بەرۋدى ءجون ساناعان.
جومارت جۇرەكتى ازامات شىمكەنتتەگى «جىلانبۇزعان», «ابدۋل اباد», «قىزىلجار», «تۋردى ابات», «ماياتاس», «توعىس», «بادام-1», «بادام-2», «جۇلدىز», «جالىن», «قاراتوبە», «قايناربۇلاق» تۇرعىن الاپتارىنداعى از قامتىلعان وتباسىلارعا «اۋىزاشار قورجىنىن» ۇلەستىردى. ءار وتباسىعا تاراتىلعان «اۋىزاشار قورجىنىندا» 1 قاپ ۇن, 5 ليتر وسىمدىك مايى, 5 كەلى قانت, 5 كەلى ماكارون, شاي سىندى كۇندەلىكتى تۇتىناتىن ازىق-ت ۇلىك تۇرلەرى بار. سونىمەن قاتار بەتپەردەلەر دە تاراتىلدى.
ىزگى شارا «جىلانبۇزعان» تۇرعىن الابىنىڭ تۇرعىندارىنا ازىق-ت ۇلىكتەردى تاراتۋدان باستالدى. قاراپايىم حالىققا ازىق-ت ۇلىكتەردى كاسىپكەردىڭ وزى مەن بوكستان الەم چەمپيونى قايرات ەراليەۆ پەن كيكبوستان الەم چەمپيونى نۇركەن تولەگەنوۆتەر ۇلەستىردى.
قاسيەتتى ايدا قايىرىم جاساۋدى ازاماتتىق مىندەتى ساناپ, 550 وتباسىنىڭ العىسىن العان بايكەن اشىرباەۆ جەرلەستەرىنە جاردەم بەرۋدى الداعى ۋاقىتتا دا جالعاستىراتىنىن مالىمدەدى.
شىمكەنت
