دەپارتامەنت باسشىسىنىڭ ورىنباسارى رايحان براتاەۆا ءوز سوزىندە كونكۋرستاردى وتكىزۋ ەرەجەسىنە ەنگىزىلگەن نەگىزگى وزگەرىستەر تۋرالى حابارلادى. كونكۋرستىق كوميسسيالاردى قۇرۋ, كونكۋرستىق سۇراقتار ءتىزىمىن قالىپتاستىرۋ تالاپتارىنا ەرەكشە نازار اۋدارىلدى. ر. براتاەۆا كونكۋرستىق كوميسسيا جۇمىسىنىڭ اشىقتىعى مەن ايقىندىلىعىن ارتتىرۋ ماقساتىندا دەپارتامەنت قىزمەتكەرلەرىنىڭ كونكۋرستارعا قاتىسقان ۇمىتكەرلەرمەن كەرى بايلانىس ورناتاتىنىن اتاپ ءوتتى.
سەمينار بارىسىندا دەپارتامەنتتىڭ مەملەكەتتىك قىزمەت باسقارماسىنىڭ باسشىسى گۇلميرا ەۆنيەۆا وبلىستىڭ مەملەكەتتىك اپپاراتىنىڭ كادرلىق جاعدايى تۋرالى اقپاراتپەن ءبولىستى. قازىرگى ۋاقىتتا ءوڭىردىڭ مەملەكەتتىك ورگاندارىندا 5157 قىزمەتكەر ەڭبەك ەتۋدە. بوس ورىندار سانى 527 بىرلىكتى نەمەسە 9,3% قۇرايدى. قىزمەتكەرلەردىڭ 64% - ىن ايەلدەر, 20% - ىن 29 جاسقا دەيىنگى جاستار قۇرايدى. مەملەكەتتىك قىزمەتشىلەردىڭ ورتاشا جاسى 39,8 جاس. جىل باسىنان بەرى وبلىستا 720 بوس اكىمشىلىك مەملەكەتتىك لاۋازىمدارعا ورنالاسۋعا كونكۋرستار وتكىزىلدى, ونىڭ ىشىندە ىشكى كونكۋرستار - 283, جالپى كونكۋرستار – 429. اتالعان كونكۋرستارعا 563 ادام قاتىستى. لاۋازىمدارعا 340 تۇلعا قابىلداندى, بۇل 60,4% قۇرايدى.
سونداي-اق, سپيكەر ءوز سوزىندە مەريتوكراتيا قاعيداتىن ىلگەرىلەتۋ تۋرالى حاباردار ەتتى. سىناق مەرزىمىنەن ءوتۋ, تالىمگەرلەردى بەكىتۋ, مەملەكەتتىك قىزمەتشىلەردىڭ تاعىلىمداماسىن ۇيىمداستىرۋ بويىنشا جۇمىس قورىتىندىلارى تالقىلاندى. پەرسونالدى باسقارۋ قىزمەتتەرىنىڭ وكىلدەرىنە ءوز قىزمەتىندە قولدانىستاعى زاڭنامانى مۇلتىكسىز ساقتاۋ, كادرلىق تۇراقتىلىقتى ساقتاۋ ماسەلەلەرىنە ەرەكشە كوڭىل اۋدارۋعا ۇسىنىس بەرىلدى.
