توتەنشە جاعدايعا دەيىن دە گيمنازيادا اقپاراتتىق تەحنولوگيالاردىڭ بارلىق مۇمكىندىكتەرىن كەڭىنەن قولدانىپ, ءبىلىم الۋشىلار ءوز بەتىمەن ساندىق ءبىلىم بەرۋ رەسۋرستارى ارقىلى ءبىلىم الۋعا داعدىلانعان.
ء «بىلىم بەرۋ جۇيەسى كوپتەگەن وزگەرىستەرگە ۇشىرايدى, ءبىز قاشىقتان وقىتۋدان كوپتەگەن جاعىمدى تاجىريبە الۋىمىز كەرەك» دەگەن ءبىلىم جانە عىلىم ءمينيسترى اسحات ايماعامبەتوۆتىڭ سوزىنە زەر سالار بولساق, جاڭا فورماتتا ءبىلىم بەرۋ تاجىريبەسى پەداگوگتەرىمىزدىڭ ءبىلىم قورجىنىن جاڭا ءادىس-تاسىلدەرمەن تولىقتىرىپ, ءبىلىم بەرۋ ۇردىسىنە وزگەشە قىردان قاراپ ۇيرەنۋگە مۇمكىندىك بەردى.
ءتورتىنشى توقساننىڭ باسىنان باستاپ قاشىقتان ءبىلىم بەرۋ تەحنولوگيالارىن پايدالانا وتىرىپ, گيمنازيا ديرەكتورى گاۋحار مانەكەەۆانىڭ باسشىلىعىمەن پەداگوگتەرگە نۇسقاۋلىق بەرىلىپ, قاشىقتان وقىتۋدىڭ بارلىق تالاپتارى مەن جۇمىستى ۇيىمداستىرۋ تۇرلەرى بەلگىلەندى. گيمنازياداعى جوعارى ساناتتى, تاجىريبەلى پەداگوگتەر بەينەدارىس, ءدارىس, مۋلتيمەديالىق ءدارىس, تەلەۆيزيالىق ءدارىس, وزىندىك جۇمىستار, ۆيرتۋالدى زەرتحانالىق پراكتيكۋمدار, كومپيۋتەرلىك تەستىلەۋ جۇيەلەرى سياقتى قاشىقتان ءبىلىم بەرۋ تەحنولوگيالارىن ءتيىمدى قولدانىپ كەلەدى.
گيمنازيامىزدا بۇگىندە «تسيفرلى مەكتەپ» ەكسپەريمەنتى ناتيجەسىندە ەلەكتروندى رەسۋرستار بازاسى جيناقتالعان. وسى ەلەكتروندى وقۋلىقتار مەن مۋلتيمەديالىق وقۋ باعدارلامالارىن, ترەناجەرلەر مەن جوبالىق جۇمىستاردى پەداگوگتەر وقۋ ۇردىسىندە ەركىن قولدانادى. ەلەكتروندى جۋرنالداردا جانە كۇندەلىكتەردە كۇنتىزبەلىك-تاقىرىپتىق جوسپارلاردى رەتتەپ, ۆەب-سايتتارعا, ەلەكتروندى كىتاپحانالارعا جانە ت.ب. سىلتەمەلەردى قولدانا وتىرىپ, وقۋ ماتەريالدارىن ۋاقتىلى جوسپارلاپ قۇراستىرۋدا.
پەداگوگتەردىڭ ءبىلىم الۋشىلارمەن تىلدەسۋى مەن كەرى بايلانىسى – ەلەكتروندى حات, حابارلاما, چاتتار ارقىلى, ال كونسۋلتاتسيالار جەكە نەمەسە توپتىق بەينەبايلانىس تۇرىندە تەلەكوممۋنيكاتسيالىق قۇرالداردىڭ كومەگىمەن جۇزەگە اسىرىلىپ جاتىر. بارلىق جۇمىستار كundelik.kz, Daryn.online, Bilimland, سونداي-اق Whatsapp, Telegram كانالدارى ارقىلى اتقارىلادى.
جاڭا فورماتتا جۇرگىزىلەتىن جۇمىس تۇرلەرى مىندەتتى تۇردە ديرەكتوردىڭ وقۋ-تاربيە ءىسى جونىندەگى ورىنباسارىمەن كەلىسىلەدى. جوسپارلانعان جۇمىس تۇرلەرى تۋرالى كەز كەلگەن اقپارات ءبىلىم الۋشىلار مەن اتا-انالارعا ەلەكتروندى جۋرنالدار مەن كۇندەلىكتەر ارقىلى دەر كەزىندە جەتكىزىلەدى.
ونلاين-ساباقتار بەكىتىلگەن وقۋ كەستەسىنە سايكەس وتكىزىلىپ جاتىر. ءبىلىم الۋشىنىڭ وزىندىك جۇمىسىنا باقىلاۋ جاسالىپ, كەرى بايلانىس جۇرگىزىلۋدە. ءۇي تاپسىرمالارىنىڭ كولەمى بەلگىلەنگەن نورمالارعا سايكەس بەرىلۋدە.
گيمنازيامىزدىڭ تاجىريبەلى پەداگوگتەردىڭ جاساپ جاتقان جۇمىستارى مەن پىكىرلەرىنە توقتالا كەتسەك. باستاۋىش سىنىپ مۇعالىمى اينۇر جاتاقباەۆا: «وقۋشىلاردىڭ قىزىعۋشىلىقتارى جاقسى, بىراق ولارمەن بەتپە-بەت كەزدەسكەنگە, ارينە جەتپەيدى. بالانىڭ باسىنان سيپاپ, ارقاسىنان قاعىپ, كوزىنە قاراپ ساباق بەرۋ – ەرەكشە سەزىم. ونى قاشىقتان وقىتۋدا سەزىنە المايسىڭ. اتا-انالار بالالارىمەن بىرگە ساباق وقۋ بارىسىندا ءبىلىم بەرۋدىڭ قيىنشىلىعىن ءتۇسىندى. ءوز بالالارىن جاڭا قىرىنان كورىپ, بالالارىنىڭ مۇمكىندىكتەرىنە كوزدەرىن جەتكىزدى. ۇستازدىڭ موينىندا قانشا ۇلكەن جاۋاپكەرشىلىك پەن ەڭبەك تۇرعانىن بىلە باستادى» دەپ ويىمەن بولىسسە, اسەم سماكوۆا: «ەلىمىزدە بەلەڭ الىپ جاتقان قيىندىقتارعا قاراماي, زامانعا ساي جاڭاشىل ادىستەردىڭ كەرەگىن قولدانىپ, شاكىرتتەرىمىزدىڭ تارىداي تالابىنا ءۇڭىلىپ, كەۋدەسىنە تاۋداي ءۇمىت ۇيالاتىپ ەڭبەك ەتىپ جۇرگەن وتانىمىزدىڭ تۇكپىر-تۇكپىرىندەگى ارىپتەستەرىمنىڭ ەڭبەگى ەرەن دەپ ويلايمىن. وقۋشىلار وزدىگىنەن ءبىلىم الۋعا داعدىلانعانى بايقالىپ جاتىر, ءبىلىم ساپاسى ورنىقتى دەڭگەيدە تۇر دەپ ەسەپتەيمىن. وقۋشىلار سانالى تۇردە ء«بىلىم ءوزىم ءۇشىن كەرەك» دەپ بار مۇمكىندىكتى پايدالانىپ وقۋدا» دەدى.
سول سياقتى ۇجىمنىڭ بارشا پەداگوگتەرى قاشىقتان وقىتۋدا ەشقانداي ماسەلە جوعىن ايتىپ, ءبىلىم ساپاسى ءتيىستى دەڭگەيدە بولادى دەگەن سەنىمدە.
قاشىقتان وقىتۋ مەن تاربيەلەۋ – سىنىپ جەتەكشىلەرىنە دە وقۋشىلار مەن اتا-انالارعا دا تاڭسىق, جاڭا تاجىريبە. سىنىپ جەتەكشىلەرى اتا-انالاردى قاشىقتان وقىتۋ مەن تاربيەلەۋ پروتسەسى, ساباق كەستەسىندەگى وزگەرىستەر مەن كەرى بايلانىس جاساۋ, وقۋ بارىسى مەن وقۋ ناتيجەلەرى, ءبىلىم الۋشىلارعا ۇيدە جاعداي جاساۋ قاجەتتىلىگى تۋرالى حاباردار ەتىپ وتىر. ءبىلىم الۋشىلار جانە ولاردىڭ اتا-انالارىمەن سۇحباتتار, فورۋمدار ەلەكتروندى جۋرنالدار مەن كۇندەلىكتەر جۇيەسىندە جانە چاتتار ارقىلى جاسالادى. «اتا-انا – مۇعالىم – وقۋشى» اتتى ۇشتىك اراسىنداعى بايلانىس بۇرىنعىدان دا نىعايا ءتۇستى. اتا-انالار ۇستازداردىڭ جۇمىسىن جوعارى باعالاپ, العىستارىن جاريالاۋدا. قاشىقتان وقىتۋ ارقىلى ولار ۇستاز جۇمىسىنىڭ كوپتەگەن قىرىمەن تانىستى. سونىمەن قاتار دارىندى بالالارمەن جۇمىس توتەنشە جاعداي كەزىندە دە ءوز جالعاسىن تابۋدا.
ساندۋعاش بيجانوۆا,
«جاڭا عاسىر» №175 گيمنازيا ديرەكتورىنىڭ وقۋ-تاربيە ءىسى جونىندەگى ورىنباسارى
