ء«بىز قازاقستاندا توتەنشە جاعدايدى دەر كەزىندە جاريالادىق. وسىنداي شارالاردىڭ ارقاسىندا ۆيرۋستىڭ جاپپاي تارالۋىنا جول بەرمەي, قوعامداعى تۇراقتىلىقتى ساقتاپ وتىرمىز. داعدارىسقا قارسى شارالار ءۇشىن 6 تريلليون تەڭگەگە جۋىق قارجى بولىنگەنىن بىلەسىزدەر. ەڭ الدىمەن, جۇمىسسىز قالعاندارعا 42 500 تەڭگە مولشەرىندە تولەم جاساۋدى ۇيعاردىق. جالپى, 4,2 ميلليون ادام بۇل كومەكتى الدى. ونى ەكىنشى ايدا دا جالعاستىرامىز. بۇدان بولەك, 1 ميلليونداي مۇقتاج جاندار ازىق-ت ۇلىكپەن جانە قاجەتتى زاتتارمەن قامتاماسىز ەتىلەتىن بولدى», - دەدى ق. توقاەۆ.
پرەزيدەنت اتاپ وتكەندەي, پاندەميا بۇكىل الەمنىڭ قالىپتى تىرشىلىگىنە ايتارلىقتاي اسەر ەتتى.
«ىندەتتىڭ سالدارىنان دۇنيە جۇزىندە ەكونوميكالىق بەلسەندىلىك كۇرت تومەندەگەنىن كورىپ وتىرسىزدار. شيكىزات باعاسىنىڭ قۇلدىراۋى ەكونوميكالىق جاعدايدى قيىنداتاتىنى انىق. حالىقارالىق ۆاليۋتا قورىنىڭ پايىمداۋىنشا, بيىل الەمدىك جالپى ىشكى ءونىم ەداۋىر تومەندەيدى. ارينە, مۇنداي داعدارىستان كەيىن ەكونوميكانى قالپىنا كەلتىرۋ وڭايعا تۇسپەيدى. شۇعىل ارەكەت ەتپەسە, الەمدىك رەتسەسسيا كۇردەلەنە بەرمەك. سوندىقتان شاماسى جەتەتىن ەلدەر ءوز ازاماتتارىنا قولداۋ كورسەتۋ ءۇشىن ناقتى جۇمىستار جۇرگىزۋدە», - دەگەن مەملەكەت باسشىسى داعدارىسقا قارسى شارالار ءۇشىن 6 تريلليون تەڭگەگە جۋىق قارجى بولىنگەنىن اتاپ ءوتتى.
