شىعىس قازاقستان وبلىسىندا ۇكىمەت قاۋلىسىمەن بىرنەشە نىساندارعا تانىمال تۇلعالاردىڭ ەسىمدەرى بەرىلدى. ماسەلەن, وسكەمەن قالاسىنداعى اعىلشىن ءتىلىن تەرەڭدەتىپ وقىتاتىن №38 گيمنازياعا لەۆ گۋميلەۆ, №39 ورتا مەكتەپكە ىبىراي التىنسارين, شىعىس قازاقستان گۋمانيتارلىق كوللەدجىنە ابايدىڭ, سەمەيدەگى №47 مەكتەپكە احمەت بايتۇرسىن ۇلىنىڭ, №37 گيمنازياعا ىبىراي ءالتىنساريننىڭ, №39 ورتا مەكتەپكە ءاليحان بوكەيحاننىڭ, №34 مەكتەپكە باۋىرجان مومىش ۇلىنىڭ, №2 مەكتەپكە قانىش ساتباەۆتىڭ, پريگورود مەكتەبىنە جۇسىپبەك ايماۋىتوۆتىڭ, شەمونايحا اۋدانىنداعى №5 مەكتەپكە احمەت بايتۇرسىن ۇلىنىڭ, №4 مەكتەپكە شاكارىمنىڭ, «قىزىل شەمونايحا مەكتەبىنە» ىبىراي ءالتىنساريننىڭ, «ميحايلوۆكا ورتا مەكتەبىنە» شوقان ءۋاليحانوۆتىڭ, «پراپورششيكوۆو مەكتەبىنە» دىنمۇحامەد قوناەۆتىڭ, «پەرەۆالوۆكا مەكتەبىنە» مالىك عابدۋلليننىڭ, «بوبروۆكا مەكتەبىنە» احمەت بايتۇرسىن ۇلىنىڭ, «ۋشانوۆ ورتا مەكتەبىنە» باۋىرجان مومىش ۇلىنىڭ جانە №2 اقسۋات ورتا مەكتەبىنە قوجاگەلدى باتىردىڭ ەسىمدەرى بەرىلدى. بەسقاراعاي اۋدانىنداعى بەرەزوۆكا ورتا مەكتەبى بوزتال ورتا مەكتەبى, ۇلكەن ۆلاديميروۆكا ورتا مەكتەبى قايرات رىسقۇلبەكوۆ اتىنداعى ورتا مەكتەپ بولىپ وزگەرتىلدى. ال سەمەي حالىقارالىق اۋەجايى بۇدان بىلاي اباي اتىنداعى اۋەجاي دەپ اتالادى. ۇكىمەتتىڭ 2020 جىلعى 23 ساۋىردەگى №241 قاۋلىسى سول ۋاقىتتان باستاپ كۇشىنە ەندى.
شىعىس قازاقستان وبلىسى
