پرەزيدەنت • 04 مامىر، 2020

مەملەكەت باسشىسى پارلامەنت سەناتىنىڭ وتىرىسىنا قاتىستى

748 رەت كورسەتىلدى

پرەزيدەنت قاسىم-جومارت توقاەۆ پارلامەنت سەناتى دەپۋتاتتارىنىڭ الدىندا سويلەگەن سوزىندە جوعارى پالاتا قوعامداعى وزەكتى ءارى ەلدى الاڭداتقان ماسەلەلەردى كوتەرەتىنىن اتاپ ءوتتى. بۇل تۋرالى اقوردانىڭ ءباسپاسوز قىزمەتى حابارلادى.

– بۇكىل ەلىمىزدىڭ الدىندا تۇرعان مىندەتتەردى ورىنداۋ ءۇشىن ەڭ الدىمەن بيلىك تارماقتارى اراسىنداعى ۇيلەسىم قاجەت. ماڭىزدى رەفورمالاردى جۇزەگە اسىرۋدا پارلامەنتتىڭ، اسىرەسە، سەناتتىڭ ءرولى دە، قۇزىرەتى دە ەرەكشە. سەناتتىڭ ەڭ باستى مىندەتى – ساپالى زاڭداردى قابىلداۋ. مۇنداي زاڭدار رەفورمالارعا جول اشادى، تۇراقتىلىق پەن ءتارتىپتى قامتاماسىز ەتەدى، – دەدى قاسىم-جومارت توقاەۆ.

مەملەكەت باسشىسى داريعا نازارباەۆانىڭ سەنات توراعاسى لاۋازىمىندا اتقارعان قىزمەتىن جوعارى باعالاپ، وعان ءوز ريزاشىلىعىن ءبىلدىردى.

– وزدەرىڭىزگە ءمالىم، مەنىڭ جارلىعىممەن سەنات دەپۋتاتى داريعا نۇرسۇلتانقىزى نازارباەۆانىڭ وكىلەتتىگى توقتاتىلدى. ول سەنات توراعاسى رەتىندە ءبىر جىلدان استام بەلسەندى ءارى جەمىستى جۇمىس ىستەدى. سول ءۇشىن داريعا نۇرسۇلتانقىزىنا ريزاشىلىعىمدى ءبىلدىردىم، – دەدى پرەزيدەنت.

بۇگىنگىدەي كۇردەلى كەزەڭنەن ەلىمىزدى امان-ەسەن الىپ شىعۋ ءۇشىن سەنات دەپۋتاتتارىن جۇمىلا جۇمىس ىستەۋگە شاقىرعان قاسىم-جومارت توقاەۆ پارلامەنت سەناتىنىڭ توراعاسى لاۋازىمىنا ماۋلەن اشىمباەۆتىڭ كانديداتۋراسىن ۇسىندى.

– ول مەملەكەت ءىسىنىڭ قىر-سىرىن جەتىك مەڭگەرگەن، ۇزاق جىل ءتۇرلى سالادا جەمىستى جانە ءتيىمدى قىزمەت اتقاردى. پارلامەنت جۇمىسىن جاقسى بىلەدى. ءاردايىم وزىنە جۇكتەلگەن مىندەتتەردى ابىرويمەن اتقارىپ كەلەدى. مەملەكەتتىك قىزمەتتەگى تاجىريبەسى مول. سوندىقتان بۇل قىزمەتتى ابىرويمەن اتقاراتىنىنا كۇمانىم جوق، – دەدى مەملەكەت باسشىسى.

جاسىرىن داۋىس بەرۋ قورىتىندىسى بويىنشا ماۋلەن اشىمباەۆ پارلامەنت سەناتىنىڭ توراعاسى بولىپ سايلاندى.

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار