بيىلعى ءى توقساندا سالاعا 8,1 ملرد تەڭگە ينۆەستيتسيا باعىتتالىپ, جالپى اۋدانى 149,6 مىڭ شارشى مەتر بولاتىن 1287 تۇرعىن ءۇي پايدالانۋعا بەرىلدى.
جالپى بيىل «نۇرلى جەر» مەملەكەتتىك باعدارلاماسى شەڭبەرىندە اتىراۋ وبلىسىندا ينجەنەرلىك-كوممۋنيكاتسيالىق ينفراقۇرىلىم جانە تۇرعىن ءۇي قۇرىلىسىنا 20,3 ملرد تەڭگەگە 95 جوبا ىسكە اسىرىلىپ, 925 ادام جۇمىسپەن قامتىلادى.
كرەديتتىك نەمەسە جالعا بەرىلەتىن 620 پاتەردىپايدالانۋعا بەرۋ جوسپارلانىپ وتىر. ونىڭ ىشىندە ساتىپ الۋ قۇقىعىنسىز جالعا بەرىلەتىن تۇرعىن ءۇي قۇرىلىسىنا 13 جوبانى ىسكە اسىرۋ ءۇشىن 5 ملرد تەڭگە قاراستىرىلعان. بيىلعى ءى توقسان قورىتىندىسىندا اكىمدىككە 1,1 ملرد تەڭگە اۋدارىلىپ, قاراجات تولىق يگەرىلگەن. جىل سوڭىنا دەيىن جالپى اۋدانى 10,2 مىڭ شارشى مەتر بولاتىن 157 جالعا بەرىلەتىن پاتەر پايدالانۋعا بەرىلەدى. حالىقتىڭ از قامتىلعان الەۋمەتتىك توپتارىنا, كوپ بالالى وتباسىلارعا بەرىلەتىن ول باسپانالاردىڭ قۇرىلىسىنا 480 ادام جۇمىسقا تارتىلادى.
ال كرەديتتىك تۇرعىن ءۇي قۇرىلىسىنا 43 جوبانى ىسكە اسىرۋ ءۇشىن 5 ملرد تەڭگە قاراستىرىلعان. وعان 27,8 مىڭ شارشى مەتر تۇرعىن ءۇي نەمەسە 463 پاتەردى پايدالانۋعا بەرۋ جوسپارلانعان.
سونىمەن قاتار «نۇرلى جەر» مەملەكەتتىك باعدارلاماسى اياسىندا 2%-دىق نەسيە بەرەتىن «باقىتتى وتباسى» باعدارلاماسىن جۇزەگە اسىرۋعا بيىل رەسپۋبليكالىق بيۋدجەتتەن وبلىس اكىمدىگىنە 239 تۇرعىن ءۇي ءۇشىن 2,4 ملرد تەڭگە قارىز بەرۋ قاراستىرىلىپ وتىر.
وبلىستا تۇرعىن ءۇي قۇرىلىسى اۋداندارىنا ينجەنەرلىك-
