كورسەتىلەتىن قىزمەتتى الۋ ءۇشىن پايدالانۋشى پورتالعا كىرىپ, «جىلجىمايتىن م ۇلىك» سالىمىندا ءۇش قىزمەتتىڭ ءبىرىن تاڭداۋ قاجەت. سودان سوڭ پورتالدا كورسەتىلگەن قادامدىق پروتسەسكە سايكەس ءوتىنىمدى تولتىرۋ قاجەت.
كاداسترلىق (باعالاۋ) قۇنىن انىقتاۋ جانە ساپالىق جاعدايى تۋرالى مالىمەتتەردى ءوز ۋچاسكەڭىزگە دە, مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسى پورتالىندا ەلەكتروندى جوسپاردا كورسەتىلگەن اۋماققا دا الۋعا بولادى.
ء«بىز نەگىزگى مالىمەتتەردى بارىنشا قامتۋعا جانە ءوتىنىم بەرۋ پروتسەسىن جەڭىلدەتۋگە تىرىستىق. پايدالانۋشى تەك تىزىمنەن ءبىر تارماقتى تاڭداپ, تولەم جاساپ, قاجەتتى قۇجاتتاردى سالىپ, ەتسق-مەن قول قويۋ قاجەت» دەپ ءتۇسىندىردى «ۇلتتىق اقپاراتتىق تەحنولوگيالار» اق باسقارما توراعاسى اسەت تۇرىسوۆ.
كورسەتىلەتىن قىزمەتتى الۋ بارىسىندا ءوتىنىش بەرۋشىنىڭ قولدانىستاعى قۇقىقتارى تىركەلگەن مەملەكەتتىك جەر كاداسترىنىڭ اۆتوماتتاندىرىلعان اقپاراتتىق جۇيەسى پورتالىندا ەلەكتروندى جوسپاردا كورسەتىلگەن بارلىق جەر ۋچاسكەلەرى مەن اۋماقتار تۋرالى اقپارات اۆتوماتتى تۇردە تارتىلادى. وسى تىزىمنەن سۇراۋ سالۋ جىبەرۋ ءۇشىن ۋچاسكەلەردىڭ ءبىرىن تاڭداۋ قاجەت. سۇراۋ سالۋ اتالعان اقپاراتتىق جۇيەگە تىكەلەي تۇسەدى. سۇراۋ سالۋعا بەرىلگەن جاۋاپپەن پايدالانۋشىنىڭ جەكە كابينەتىندە تانىسۋعا بولادى.
نىسانالى ماقساتىنا, ۋچاسكەنىڭ اۋدانىنا جانە جۇمىس كولەمىنە بايلانىستى تولەم سوماسى انىقتالادى, ونى ەلەكتروندى ۇكىمەتتىڭ تولەم ءشليۋزى ارقىلى جۇرگىزۋگە بولادى.
