ارداگەرلەر اركەز قۇرمەتكە لايىق

كەشە پارلامەنت سەناتىندا ۇلى وتان سوعىسىنداعى جەڭىستىڭ 65 جىلدىعىنا وراي رەسپۋبليكالىق ارداگەرلەر كەڭەسىنىڭ مۇشەلەرى, استانالىق سوعىس جانە ەڭبەك ارداگەرلەرىمەن كەزدەسۋ بولدى. مەرەيتويعا بايلانىستى ءبى­رىن­شى رەت وتكىزىلىپ وتىرعان بۇل شارانى سەنات توراعاسى قاسىم-جو­مارت توقاەۆ اشىپ, ءسوز ءسوي­لە­دى. ءوزىنىڭ ءسوزىن جينالعان ار­دا­گەر­لەردى جەڭىس مەرەكەسىمەن قۇت­تىق­تاۋدان باستاعان توراعا ودان ءارى بۇل مەرەكە – وتان قورعاۋ­دىڭ وشپەس ونەگەسى مەن ەرلىكتىڭ ەرەن ۇلگىسىن ەسكە تۇسىرەتىن ادام­زات تاريحىنداعى ەڭ ايتۋلى كۇن­دەر­دىڭ ءبىرى. ءبىز ار مەن نامىستى تۋ ەتكەن باتىرلاردىڭ رۋحى ال­دىن­دا تاعزىم ەتەمىز. قان ماي­دان­دا وت كەشكەندەرگە العىسى­مىز­دى بىلدىرە وتىرىپ, باسى­مىز­دى يەمىز. سىزدەر ەل باسىنا كۇن تۋعاندا جاۋىنگەرلىك ەرلىك پەن ەلدىكتىڭ ونەگەسىن كورسەتتىڭىزدەر, ادام توزگىسىز قيىنشىلىقتاردى جەڭە وتىرىپ, ەلدىڭ تىرەگىنە اي­نال­دىڭىزدار. جەڭىمپاز ۇرپاق­تىڭ داڭقتى ەرلىگى جاسىماس ءجى­گەر­دىڭ, ۇلى رۋحتىڭ, وتانىمىزدىڭ ەر­كىندىگى مەن تاۋەلسىزدىگى جو­لىن­داعى ءبىزدىڭ حالقىمىزدىڭ رۋحاني بىرلىگىنىڭ ۇلگىسى بولىپ قالا بەرەدى. ال بۇگىنگى ۇرپاقتىڭ پا­رى­زى – وسى ۇلى جەڭىستىڭ ماڭىزى مەن ءمانىن قاس­تەرلەي ءبىلۋ, باتىر­لاردىڭ بيىك تۇلعالارىن ۋاقىت وتكەن سايىن اسقاقتاتىپ, ەسىمدەرىن جۇرەكتە ساقتاۋ. ولارعا دەگەن قۇر­مەت تاريحقا, اتا-بابا رۋحىنا دەگەن قۇرمەت, دەدى. سونىمەن قاتار ول 1 ملن. 700 مىڭ وتانداستارىمىز ادام­زات تاريحىندا تەڭدەسى بولما­عان سوعىستىڭ بارلىق مايدان­دا­رى­نا دا قاتىسىپ, ەرلىكتىڭ ەرەن ۇلگى­لەرىن كورسەتكەنىن ايتتى. بەس جۇزگە جۋىق قازاقستاندىق كەڭەس ودا­عى­نىڭ باتىرى اتاعىن الدى, ءجۇز مىڭ­داعان اكەلەرىمىز بەن اتا­لا­رى­مىز وردەن-مەدالدارمەن ناگراد­تال­دى. سولاردىڭ اراسىندا ءوزىنىڭ قولباسشىلىق دارىنى مەن عا­جاي­ىپ ەرلىگىنىڭ ارقاسىندا باۋىرجان مومىش ۇلىنىڭ, پانفيلوۆشى-باتىرلاردىڭ, پۋلەمەتشى مانشۇك مامەتوۆانىڭ, مەرگەندەر ءاليا مولداعۇلوۆا مەن ىبىرايىم ءسۇ­لەيمەنوۆتىڭ, ۇشقىشتار تالعات بي­گەلدينوۆ پەن سەرگەي لۋگان­سكي­لەردىڭ جانە باسقالاردىڭ ەسىم­دەرى ءبىزدىڭ ەلىمىزدىڭ اتاعىن اسپانعا شىعاردى دەي كەلىپ, 1418 كۇنگە سوزىلعان سوعىس كۇن سايىن 20 مىڭعا جۋىق ادامنىڭ ءومىرىن قيىپ وتىرعانىن ەسكە سالدى. سون­دىقتان دا ەكىنشى دۇنيە­جۇزىلىك سو­عىستىڭ تاريحي ماڭىزىن تومەن­دە­تىپ, ونىڭ قورىتىندى­لارىن قايتا قاراۋ قاجەت دەپ جۇرگەن كەيبىر ساياساتكەرلەر مەن عالىمدارعا ءوزى­مىز­دىڭ قارسى پىكىرىمىزدى ءبىلدىرۋىمىز كەرەك. مەنىڭشە ءفاشيزمدى جەر بەتىنەن قۇرتقان ۇلى جەڭىستىڭ ءمانى مەن ماڭىزىن ەش تومەندەتۋگە بول­مايدى, دەدى ول. ودان ءارى قاسىم-جومارت كە­مەل­ ۇلى ەلباسى نۇرسۇلتان نازار­باەۆتىڭ تاپسىرماسىمەن ۇلى مە­رە­كەگە وراي كوپتەگەن ءىس-شارا­لار­دىڭ اتقارىلىپ جاتقانىن اۋىزعا الدى. پرەزيدەنت ءوزىنىڭ جىل سايىن­عى جولداۋىندا بۇل ىسكە ارنايى كوڭىل ءبولىپ, ارداگەرلەردىڭ تۇرمىس-جاعدايىن جاقسارتۋ ءۇشىن ناقتى  تاپسىرمالار بەرىپ وتىرا­دى, دەدى. ءسوزىنىڭ سوڭىندا اردا­گەر­لەردى تاعى دا قۇتتىقتاپ, ولارعا دەن­ساۋلىق پەن ۇرپاق قىزىعىنا كەنەلىپ, ۇزاق ءومىر تىلەيتىنىن جەتكىزدى. جيىنعا ارداگەرلەرمەن قاتار “نۇر وتان” حدپ حاتشىسى س.گرو­موۆ, ەڭبەك جانە حالىقتى الەۋ­مەت­تىك قورعاۋ ءمينيسترى گ.ءابدى­حالىقوۆا, قورعانىس ءمينيسترىنىڭ ورىنباسارى ب.سۇلەيمەنوۆ جانە ءبىر توپ سەناتورلار قاتىستى. ءتور­اعا سوزىنەن كەيىن كەزدەسۋدى ونىڭ ۇيىتقىسى بولعان سەناتتىڭ الەۋ­مەتتىك-مادەني دامۋ كو­مي­تەتى­نىڭ توراعاسى احان بيجانوۆ جۇرگىزىپ وتىردى. العاشقى قۇت­تىقتاۋ ءسوزدى ول “نۇر وتان” حدپ حاتشىسى س.گروموۆقا بەردى. ول پارتيانىڭ اتىنان ارداگەرلەردى قۇتتىقتاپ, ءوز تاراپتارىنان بو­لاتىن ۇلىقتاۋ شارالارىنا شولۋ جاساپ ءوتتى. ءبىزدىڭ قاتارىمىزدا بۇگىنگى كۇنى 50 مىڭنان ارتىق 60 جاستان اسقان ادامدار بار, ءبىز ولاردىڭ اقىل­دا­رى مەن تاجىريبەلەرىن جوعارى با­عا­لاپ, قولدانىپ وتىرامىز, دەدى ول. ودان كەيىن ءسوز العان ەڭبەك جانە حالىقتى الەۋمەتتىك قورعاۋ ءمينيسترى گ.ابدىحالىقوۆا ۇكىمەت تاراپىنان ارداگەرلەرگە جاسالاتىن قۇرمەتتەردى سانامالاپ بەرىپ, سوسىن ءوز تاراپىنان مينيسترلىك قىزمەتكەرلەرىنىڭ ءبىر كۇنگى ەڭ­بەك­اقىسىن ولاردىڭ قورىنا اۋدارا­تى­نىن جەتكىزدى. قورعانىس مي­نيستر­لىگى سالاسىنداعى اردا­گەر­لەردىڭ قالاي قۇرمەتتەلىپ, جەڭىس كۇنى مەرەكەسىنىڭ قويىلىمى قالاي بولاتىندىعى جونىندە قورعانىس ءمينيسترىنىڭ ورىنباسارى بولات سەمبينوۆ باياندادى. ءوز كەزەگىندە ءسوز العان سوعىس ارداگەرلەرى قاما­تاي توقاباەۆ پەن لەونيد كار­تاۋ­زوۆ كورسەتىلىپ جاتقان قۇرمەتكە ال­عىستارىن جەتكىزدى. ال رەسپۋب­لي­كا­لىق ارداگەرلەر كەڭەسىنىڭ توراعاسى قايىربەك سۇلەيمەنوۆ كەيبىر پروبلەمالاردى دا اتاپ ءوتىپ, ولاردىڭ قالاي شەشىلىپ جاتقانىنا توقتالدى. سونىڭ ءىشىن­دە ارداگەرلەر ءۇشىن وبلىس ورتالىقتارىندا ارناۋلى ءۇي­لەردىڭ اشىلاتىنىن قۋانىشپەن جەتكىزدى. جاقسىباي سامرات.