«اكادەميالىق جازۋ جانە قولدانبالى ساياساتتانۋ» اتتى حالىقارالىق كوكتەمگى مەكتەپ جۋرناليستيكا جانە ساياساتتانۋ فاكۋلتەتىنىڭ قۇرىلعانىنا ون جىلدىق مەرەيتويىنا وراي ۇيىمداستىرىلدى.
شارا جاس ىزدەنۋشىلەر مەن ءبىلىم الۋشىلارعا ساياسي عىلىمداعى اكادەميالىق, قولدانبالى, تاجىريبەلىك داعدىلاردى مەڭگەرۋدى, يننوۆاتسيالىق تسيفرلىق تەحنولوگيالار مەن زاماناۋي عىلىمي زەرتتەۋ ادىستەرىن ۇيرەتۋدى كوزدەيدى.
ون كۇن بويى ستۋدەنتتەر پايدالى دارىستەر تىڭداپ, تاجىريبەلى مامانداردان بولاشاق ماماندىعىنا قاتىستى كەڭەس الادى. سپيكەرلەر ىشىندە دەپۋتات مەرۋەرت كازبەكوۆا, سەرىك ساپيەۆ جانە باسقا دا بەلگىلى ساياساتتانۋشىلار مەن جۋرناليستەر بار.
العاشقى كۇنى شارا قوناعى نۇر-سۇلتان قالاسى جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك مەملەكەتتىك جاستار ساياساتىن جۇرگىزۋدەگى جوبالىق مەنەدجمەنت تاقىرىبىندا كەزدەسۋ وتكىزدى.
كوكتەمگى مەكتەپكە الەۋمەتتىك-گۋمانيتارلىق عىلىمداردىڭ باكالاۆريات, ماگيستراتۋرا, دوكتورانتۋرا دەڭگەيلەرىنىڭ ءبىلىم الۋشىلارى مەن ساياساتتانۋعا قىزىعاتىن جوعارى سىنىپ مەكتەپ وقۋشىلارى دا قاتىسىپ جاتىر.
