ناۋقاستاردىڭ ءبىرى 39 جاستاعى ەر ادام بولسا, ەكىنشىسى 5 جاسار بالا. ولار دا ناۋقاستارمەن جاقىن بايلانىستا بولعان ازاماتتار بولىپ شىقتى. سونداي-اق, اتىراۋ وبلىسى تەڭىز ۆاحتالىق كەنتىنەن كەلگەن قىزمەتكەرلەر اراسىندا 9 وقيعا انىقتالدى. بەلگىلەنگەن الگوريتمگە سايكەس, ولار وبلىسقا كەلگەننەن سوڭ كارانتيندىك ستاتسيونارعا وقشاۋلانعان. زەرتحانالىق تالداۋ ناتيجەلەرى بويىنشا ولارعا COVID-2019 دياگنوزى قويىلعان.
جامبىل وبلىستىق اكىمدىگىنىڭ مالىمەتىنشە, بۇگىندە بارلىق ناۋقاستار ينفەكتسيالىق ستاتسيونارعا ورنالاستىرىلعان. ولار وندا قاجەتتى ەم شارالارىن قابىلدايتىن بولادى. ال, ناۋقاستارمەن بايلانىستا بولعان تۇلعالاردى انىقتاۋ بويىنشا جۇمىستار جۇرگىزىلىپ, وشاقتاردا ەپيدەمياعا قارسى ءىس-شارالار اتقارىلعان. اعىمداعى جىلعى 1 مامىر كۇنگى جاعداي بويىنشا بۇگىندە جامبىل وبلىسىنىڭ اۋماعىندا كوروناۆيرۋستىق ينفەكتسيانىڭ 132 جاعدايى تىركەلىپ وتىر. ونىڭ ىشىندە تاراز قالاسىندا 58, بايزاق اۋدانىندا 6, جامبىل اۋدانىندا 5, قورداي اۋدانىندا 36, مەركى اۋدانىندا 3, مويىنقۇم جانە شۋ اۋداندارىندا ءبىر-ءبىر ناۋقاستان انىقتالعان. سونداي-اق, ءۇندىستان ەلىنەن كەلگەن «دەلي – تاراز» رەيسىنىڭ جولاۋشىلارى اراسىنان 6 وقيعا, تەڭىز ۆاحتالىق كەنتىنەن كەلگەن جۇمىسشىلار اراسىنان 16 وقيعا انىقتالعان. ىندەت جۇقتىرعانداردىڭ ىشىنەن 46 ادام ەمدەلىپ, ولار دارىگەرلەردىڭ باقىلاۋىنداعى ءۇي كارانتينىنە شىعارىلدى.
جامبىل وبلىسى
