«تۇرعىن ءۇي كەشەنىندە جۇمىستار قايتا باستالدى. پاتەرىمىزدى جىل سايىن كۇتتىك. ال قازىر قۇرىلىس جۇمىستارىنىڭ جاندانعانىن ءوز كوزىمىزبەن كورىپ تۇرمىز. وتكەن جىلدىڭ كۇزىمەن سالىستىراتىن بولساق, كوپ جۇمىس اتقارىلدى. ءوزىمىز ءۇشىن دە, باسقا دا ۇلەسكەرلەر ءۇشىن دە قۋانىشتىمىز», - دەپ اتاپ ءوتتى تۇرعىن ءۇي ۇلەسكەرلەرى.
ەلوردا اكىمى التاي كولگىنوۆ بارلىق سانيتارلىق نورمالاردى قاتاڭ ساقتاۋ كەرەكتىگىن ايتتى.
«پاندەميانى ەسكەرە وتىرىپ, نىسانداردا بارلىق تالاپتاردى قاتاڭ ساقتاۋ قاجەت. جۇمىستى ءتيىستى دەڭگەيدە جۇرگىزۋ ماڭىزدى. قۇرىلىس ساپالى بولۋى كەرەك. قالانى اباتتاندىرۋ قاجەت», - دەدى قالا اكىمى.
وتكەن جىلى 2,5 مىڭ ۇلەسكەرى بار 10 ءۇي پايدالانۋعا بەرىلدى. ءاربىر ۇلەستىك قۇرىلىس نىسانى بويىنشا قادامدىق ءىس-شارالار جوسپارى ازىرلەندى.
